Andreas Zeller

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Andreas Zeller (* 8. Juni 1955, heimatberechtigt z Zweisimme) isch en Schwiizer Theolog und Pfarrer. Er isch Präsident vom Synodalrot vo de Reformierte Chilene Bärn-Jura-Soledurn.

Läbe[ändere | Quälltäxt bearbeite]

Im Aaschluss a d Maturität Typ C am Gymnasium Bärn-Noifeld im 1974i het de Andreas Zeller bis ins 1980i evangelischi Theologi an de Universität Bärn gschtudiirt und isch im 1981i ordiniirt worde. Im 1998i het er promoviirt, mit ere neutestamentlich-konfessionskundlichen Arbet. Vom 1981i bis ins 1987i isch er Pfarrer z Flamatt gsi, wo in dere Zit noch zu de reformierte Chilegmeind vom Seisebezirk (Kanton Fryburg) gehört het. Danach isch er bis ins Johr 2007 Pfarrer z Münsige im Kanton Bärn gsi, bevor er uf de 1. Oktober 2007 sis Amt als Synodalrotspräsident aaträte het. Scho sit em 1999i isch er im Näbeamt Mitglid vom Synodalrot gsi.

De Andreas Zeller isch sit em 1982 ghürote mit dr Rosalia Zeller-Mejia.

Weblink[ändere | Quälltäxt bearbeite]