Alpha Zulu 8

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Alpha Zulu 8 (oder kurz: AZ8) isch de Codename vo eme Londoner Polizischt wo zu ere Spezialiiheit vo de Metropolitan Police ghört. Er het im Mai 2008 mit sächs Scharfschützekollege de Aawalt Mark S. verschosse, wo mit eme Gwehr us em Faischter vo sinere Wohnig z London umegfuchtlet und gschosse het. Bekannt worde-n-isch er wäge sine Ussage vo Gricht zu dem Fall.

Vernämig vor Gricht[ändere | Quälltäxt bearbeite]

Im September 2010 isch de Fall Mark S. vom Untersuechigsrichter für Todesfäll untersuecht worde. In dem Zämehang sin di an de Erschiesig beteiligte Polizischte vernoh worde. Im AZ8 sini Ussage hei bi de mündliche Verhandlig noch kein Wirbel usglöst, bim Usdruck vo sine Zügeussage isch aber ufgfalle, dass er bi sine Ussage Songtitel iigflochte het. So het er Quiet Moments (vo Chris de Burgh) uf d Frag gantwortet, woran er sich noch dät erinnere. Er heigi stilli Augeblick wo-n-er dät dänke, alles heig chönne anderscht cho. Au in the line of fire (vo Journey), point of no return (vo Duran Duran), Drop the Gun (vo Kings of the Sun), Any Other Way? (vo de Celine Dion) und Lethal Weapon (vo Ice-T) het er zitiirt.

De Polizeipräsident vo London, de Paul Stephenson het sich mit de Wort laa zitiire, er sigi "Wütend, empört und zutiefst beschämt" über de Vorfall. In de Ziit vom Disziplinarverfaare, wo jetzt lauft, isch de AZ8 vom Wafedienscht freigschtellt.

Quelle[ändere | Quälltäxt bearbeite]

  • Tages-Anzeiger vom 5. November 2010, S. 2: Spiel mir das Lied vom Todesschuss vom Peter Nonnenmacher
  • BAZonline