Almeschwier
Allmannsweier Gmeind Schwanau
| |
|---|---|
| Dialekt: | Alemannisch |
| Hauptvariante: | Niideralemannisch |
| Regionalvariante: | Oberrhinalemannisch |
| Höchi: | 153 m |
| Flechi: | 7,44 km² |
| Iiwohner: | 1400 |
| Bevölkerigsdichti: | 188 Iiwohner/km² |
| Iigmeindig: | 1974 |
| Regierigsbezirk: | Friburg |
| Landchreis: | Ortenaukreis |
| Poschtleitzahl: | 77963 |
| Vorwahl: | 07824 |
| Nummereschild: | OG |
Almeschwier (amtlich: Allmannsweier) isch e Dorf im Riäd (in dr Ortenau) und ghert zue dr Gemainde Schwanau. S'het hitzedah ungfähr 1400 Iewohner.
Dorf
[ändere | Quälltäxt bearbeite]Almeschwihr isch e ganz typisches Riedderfl mit viele Fachwärkhiisle uf dr alde Bürehef. Erscht in dr letschde Johrzehnde het sich Induschtrie im ort aangsiedelt und dodemit isch au e großes Neibaugebiet entstande. Im Ewrdorf gits awr immer noch e paar Büüre, wu hauptsächlich Düwak odr Wälschkorn anbäue dien.
Gschicht
[ändere | Quälltäxt bearbeite]Almeschwihr isch wahrschins in dr Velkrwanderungszit entschtande, wu z'erscht Ortschafte am Rhin wie Odne oder am Rand vum Schwarzwald wie Dinglinge gegründet wore sin. In ere schpätere Zit sin denno Derfr uf "-weier" entschtande. Almeschwihr isch wahrschins e Gründung vun Odne üs. D'erscht urkundlich Erwähnung isch üsm Johr 1016, wu dr Kaiser Heinrich II. des Dorf im Kloschdr in Schuttre gschenkt het. Meischtens ischs vun der Geroldsecker, wu'd Schuttrer Kloschdrvogtei khet hän, beherrscht wore. Im schpäte Mittelaldr hets verschiedeni Bsitzer khet, undr anderem s'Strooßburger Hochstift, d'Stadt Strooßburg un verschiedeni Ritterfamilie. D'Freiherre Boecklin vun Boecklinsau hän d'Reformation im Ort iegfihrt. 1805 ischr an Bade kumme, wu e Johr schbedr Großherzogtum wore isch.
Name
[ändere | Quälltäxt bearbeite]Dr Name Almeschwihr kummt wahrschins vuneme Personename Almar.