Allgemäini Muusiggsellschaft Baasel

Us der alemannische Wikipedia, der freie Dialäkt-Enzyklopedy
S Signet vo dr Gsellschaft
Dialäkt: Baseldütsch

Die Allgemäini Muusiggsellschaft Baasel (kurz AMG) isch 1876 gründet worde mit em Ziil, d Muusig in dr Stadt Baasel z pflääge und z fördere, vor allem dur s Veraastalte vo Konzärt. Dr Schwerpunggt vo de Veraastaltige lit uf klassische Simfoniikonzärt, wo mäistens im «Muusigsaal» vom Stadtcasino ufgfüert wärde.

D «Concertgesellschaft» und dr «Capell-Verein» häi sit 1826 beziejigswiis 1855 s öffentlige Muusiglääbe in dr Stadt dominiert. 1876 isch denn d AMG entstande, wo sich die bäide Veraastalter veräinigt häi. Dr Aaloss für d Fusioon isch dr Bau vom e nöije Muusigsaal gsi. Dä d Rüüm vom Stadtcasino ersetzt, wo bis denn brucht worde si, aber akustisch nid zfriide gstellt häi.

D AMG het bis 1921 d Rolle vom e Veraastalter vo Konzärt und Drääger vom ene Orkester gspiilt. Wirtschaftligi Brobleem häi sä noch em Erste Wältchrieg zwunge, en anderi Löösig z finde. S Orkester, wo sit 1996 Sinfonieorchester Basel häisst, isch vo denn aa vo dr staatlig subvenzionierte «Basler Orchester-Gesellschaft» (sit 2011 «Stiftung Sinfonieorchester Basel») dräit worde.

Die Allgemäini Muusiggsellschaft isch sit iirer Gründig bis hüte under em Naame Konzertgesellschaft dr wichdigst Veraastalter für klassischi Konzärt z Baasel. Sit 2014 isch dr Christophe Sarasin iire Bresidänt.

Litratuur[ändere | Quälltäxt bearbeite]

  • Tilmann Seebass: 100 Jahre AMG – Die Allgemeine Musikgesellschaft 1876–1976. Basel 1976.
  • Rudolf Häusler: "Allgemeine Musikgesellschaft Basel 1876-2001." Eine Festschrift zum 125-Jahr-Jubiläum verfasst von Rudolf Häusler.

Weblingg[ändere | Quälltäxt bearbeite]