Alexis Dufrenoy

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Der Alexis Dufrenoy (* ane 1973) isch en elsässische Informatiker und der Iniziant vo der alemannische Wikipedia. Er wohnt sid 2004 z Paris.

Uusbildig und Pruef[ändere | Quälltäxt bearbeite]

Der Alexis Dufrenoy chunt us em Elsass. Er het vo 1979 bis 1993 d Schuele z Riedselz und z Waisseburich psuecht, derno d Informatikschuel z Illkirch-Graffestaade und vo 2001 bis 2006 s Conservatoire national des Arts et Metiers z Stroossburg.

Sid 1998 schaffed er i der Informatikforschig und im Uuftrag vo Firmene und Instituzioone z Frankrych, z Düütschland und i der Schwiiz als Informatiker, Informatikentwickler und Projäktleiter. Zu sine Chunde zelle d GFI Informatique, d France Telecom, d FM Logistic z Polsbueri, Coneco, Logica, Open service, Wexlog, Phonevalley, Kizoa, Chronpost und anderi.

für d Wikipedia[ändere | Quälltäxt bearbeite]

Ane 2003 het der Dufrenoy d Wikimedia Foundation, wo i däm Joor grad früsch gründet gsi isch, gfroget, öb me nid au chönt es Deilprojäkt mit ere Wikipedia uf Elsässisch mache. Do drüber het me i der Gmeinschaft vo de Wikipedianer dozmol chreftig dischpediert, wo denn aber der Gründer vo der Wikipedia, der Jimmy Wales, nid dergäge gsi isch, het das regionale Projäkt als.wikipedia chönnen afoo. Der Dufrenoy sälber het denn wägen andere Uufgabe chuum me Zyt gha zum do dra wyterzschaffe, dank es bar anderen Autoore isch denn druus grad s elektronische Lexikon für alli alemannische Mundarte worde.[1]

Öpe ane 2004 het der Alexis Dufrenoy agfange mit em Projäkt vom französische Wikibooks. Und er het sech au süsch für d Wikipedia und iri Deilprojäkt engaschiert. Bi der französische Wikipedia het er als Administrator ghulfe.[2]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Medieinfo über de Afang vo der alemannische Wikipedia
  2. Le médiateur. Alexis Dufrenoy (France)