Alexander’s Feast

Im Händel si Alexander-Fest (under em Ditel Timotheus oder die Gewalt der Musik) bim Gründigskonzärt vo dr «Gesellschaft der Musikfreunde» 1812 in dr Winterritschuel

S Alexander-Fest (HWV 75) isch en Ode zu Eere vo dr Hl. Cäcilia für Soli, Choor und Orchester vom Georg Friedrich Händel. Uf Änglisch häisst s Wärk Alexander’s Feast or The Power of Musick (Im Alexander si Fest oder d Macht vo dr Muusig). Dr Teggst isch vom änglische Dichder Newburgh Hamilton noch ere Ode vom John Dryden us em Joor 1697. D Uruffüerig het am 19. Februar 1736 im Covent Garden Theatre under dr Läitig vom Komponist stattgfunde.

Zu de Läbzite vom Händel und au nochhäär isch s Oratorium äins vo sine beliebtiste gsi. Dr Wolfgang Amadeus Mozart het s 1789 im Ufdraag vom Prefekt vo dr Kaiserlige Hofbibliothek z Wien, em Baron Gottfried van Swieten, nöi instrumentiert (KV 591). Die Versioon isch erst 1793 zum erste Mol ufgfüert worde, isch denn aber im dütsche Sproochruum wäärend em 19. Joorhundert d Standard-Fassig worde.

Weblingg

• D Partitur vom Alexander's Feast (Händel-Wärkusgoob, uusegee vom Friedrich Chrysander, Leipzig 1861)
• Händels Alexander-Fest in dr Bearbäitig vom W.A. Mozart, KV 591, Nöiji Mozartusgoob X,28,1,3 uusegee vom Andreas Holschneider

Litratuur

• Leo Schrade: Studien zu Händels „Alexanderfest“. In: Händeljahrbuch. 5. Jg., 1932, ISSN 0440-0615, S. 38–141.
• Hans Joachim Marx: Händels Oratorien, Oden und Serenaten. Ein Kompendium. Vandenhoeck & Ruprecht, Göttingen 1998, ISBN 3-525-27815-2.
• Albert Scheibler, Julia Evdokimova: Georg Friedrich Händel. Oratorien-Führer. Edition Köln, Lohmar 1993, ISBN 3-928010-04-2.
• Winton Dean: Handel's Dramatic Oratorios and Masques. Clarendon Press, Oxford u. a. 1990, ISBN 0-19-816184-0 (englisch).

Dä Artikel basiert uff ere fräie Übersetzig vum Artikel „Das_Alexander-Fest“ vu de dütsche Wikipedia. E Liste vu de Autore un Versione isch do z finde.