Alex Zülle
| |
| Personedate | |
|---|---|
| Geburtsdatum | 5. Juli 1968 |
| Nation |  Schwiz
|
| Disziplin | Stross |
| Fahrertyp | Zitfahrer, All-rounder |
| Internationali Team | |
| 09.1991-1997 1998 02-05.1999-2000 2001-28-03.2003 28-03.2003-2004 |
ONCE Festina Banesto Team Coast Phonak |
| Wichtigsti Erfolg | |
|
| |
| Infobox zletzt aktualisiert: 18. 9. 2010 | |
Alex Zülle (* 5. Juli 1968 z Wil SG, wohnhaft z Zuckeriet SG) isch en ehemolige Schwiizer Profi-Velorennfahrer.
Karriere
[ändere | Quälltäxt bearbeite]Dr Zülle het si Profikarriere 1991 aagfange. Vo der Mitti vo de 1990er Johr aa het er zu de beste Etappefahrer im Velorennsport ghört. So isch er Zweite worde bi der Tour de France 1995. 1996 und 1997 het er d Vuelta a España gwunne. 1996 isch er usserdäm Wältmeister im Zitfahre worde. Der Zülle isch 1996/97 zweimol churz Erste in der Wältrangliste gsi.
Bi der Tour de France 1998 isch er zsämme mit sim Teamkolleg Richard Virenque eine vo de Mitfavorite gsi, isch aber noch e baar Renndäg im Zentrum vo der so genannte Festina-Affäre gstande, won e systematischi Dopingpraxis in sim Team Festina ufdeckt worden isch. Der Zülle het zerst alles abglooge wie fast alli vo siine Teamkollege, het denn aber under Träne zuegee, verboteni Mittel gnoh z ha, und isch für e halbs Johr gsperrt worde.
1999 isch der Zülle wider bi der Tour de France mitgfahre und het der zweit Blatz hinder em Lance Armstrong übercho. Drbii het er scho in der Früehphase vo der Tour grosses Bäch gha, won er in e Massesturz verwigglet gsi isch und über sächs Minute im Gsamtklassemänt verlore het. Die Etappe isch über e Damm gange, wo nume bi Ebbe passierbar und vom Meerwasser glitschig gsi isch.
Der Zülle isch 2001 eine vo de erste gsi, wo der Unternähmer Günther Dahms für si neus Profi-Team Coast het chönne gwünne. Allerdings het er im Früehlig 2003 zum Phonak Cycling Team gwächslet, wo s Zahligsschwiirigkeite gee het.
Si letzt gross Erfolg isch der Siig bi der Tour de Suisse 2002 gsi. Noch der Saison 2004 het er si Ruggtritt bekannt gee.