Alborella

Alborella
Systematik
Überordnig: Ostariophysi Ordnig: Charpfenartigi (Cypriniformes) Familie: Charpfefisch (Cyprinidae) Underfamilie: Alburninae Gattig: Alburnus Art: Alborella
Wüsseschaftlige Name
Alburnus arborella
Bonaparte, 1841

D Alborella, italienisch Arborella (Alburnus arborella) isch e Süesswasserfisch wo z Norditalie endemisch isch und au im Tessin vorchunnt. Si isch mit em Laugeli (Alburnus alburnus) verwandt und z Süüditalie lebt en andere endemische Verwandte, de Vulturino (Alburnus albidus), wo mengisch mit de Alborella verwechslet werd.

Uussie

D Alborella isch e dünne längliche Fisch, wo 10–15 cm lang werd. Si het verhälnissmäässig groossi Auge und Flosse. Doch isch di gableti Schwanzflosse nöd bsunders grooss. Uf de Siite het d Alborella e dunkle Straiffe.

Vorchoo

D Alborella isch im nördliche Italie endemisch und chunnt im Iizugspiet vom Po vor, aber au im östliche Mittelitalie und zom Tail i Süessgwässer a de kroatische Chüste. Si chunnt i Flüüss- und Standgwässer vor, wo e stainige Grund hend.

Lebeswiis

D Alborella fresst Plankton, Wirbellosi und Insekte, wo uf s Wasser ghaiet. Vom Mai bis in Augste, wenn d Wassertemperatur öber 15 Grad stiigt, laicht d Alborella a flache Stele entlang vom Uufer, wo Wasserpflanze wachset.

Weblink

• Alborella uf Fishbase.org (englisch)