Albanifest

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
s Riiserad vom Albanifäscht

S Albanifäscht isch s Stadtfäscht vo Winterthur.

Der Naame chunt vom Häiligen Alban, eim vo de drüü Winterthurer Stadthäilige zäme mit em Loränz und em Pankraz.

Es gaat uf es Eräignis im Drizääte Jaarhundert zrugg: De Graf Ruedolf vo Habsburg hät anne 1264 de Winterthurer s Stadträcht gää, es isch am 22. Juni gsii, und wägedämm hät me sider all Jaar am 21. Juni s «Albanimaal» ghalte und vorhèèr de Schultheiss und de Stadtraat gwäält. Das isch eso ggange bis anne 1874; dänn hät me demit uufghöört.

Eerscht sit 1971 gits s Albanifäscht wider. Es gaat drei Täg, und me chan i de Altstadt, im Stadtpark und bim Stadthuus bi meh weder hundert Fäschtwirtschafte, i de Fäschtzält, bi de Ständ vo Veräin und vo Määrtfahrer und uff de Chilbibaane öppis go erlääbe. Es chömet schynts immer öppe hunderttuusig Lüüt a das Fäscht.

S Albanifäscht isch uf de Lischte vo de läbige Tradizioone vo de Schwiz.

Literatur[ändere | Quälltäxt bearbeite]

  • Alexandre-Michel Hoster: Wie das Albanifest wieder belebt wurde. In: Winterthurer Jahrbuch 2004, S. 60–61.

Weblink[ändere | Quälltäxt bearbeite]

 Commons: Albanifest – Sammlig vo Multimediadateie