Alain Howiller

Us der alemannische Wikipedia, der freie Dialäkt-Enzyklopedy
Dialäkt: Mìlhüüserdiitsch
Dr Alain Howiller ànna 2014

Dr Alain Jean-Claude Howiller LL-Q150 (fra)-Mathieu Kappler-Alain Jean-Claude Howiller.wav (* 23. Àwrìl 1939 z’ Schtroossburi; † 7. Àuigscht 2022 àui därt) ìsch a elsassischer Schurnàlìscht un Àuitoor gsìì. Siina gànza Kàrriar hàt’r bii dr Zittung Dernières Nouvelles d’Alsace (DNA) gmàcht, wo-n-’r vu 1979 bis 2004 glaita hàt. Àls Àuitoor ùn Schurnàlìscht hàt’r sìch fìr a federàlìschta-n-Öiropà-n-iigschtällt.

sii Laawa ùn Kàrriar[ändere | Quälltäxt bearbeite]

Ùff d’ Walt kumma-n-ìsch dr Alain Howiller àm 23. Àwrìl 1939 ìn dr elsassischa Hàuiptschtàdt Schtroossburi. Ar ìsch ìm Viartel Groossa-n-Ìnsla ùffgwàcksa. Ar ìsch ìns Bischoofskollegium vum hl. Schtefàn z’ Schtroossburi gànga ùn hàt drnooh àn dr Racht- ùn Politikwìssaschàftsschüal vu dr Üniwärsitäät Schtroosburi mìt Hàuiptfàch Ziwilracht gschtudiart. Witter gschtudiart hàt’r àm Frànzeescha-n-Ìnschtitüüt fìr Controlling ùn Àrwetskràftplànung. Ànna 1960 hàt’r a Hoochschüalàbschluss àn dr Àbtailung „äffentliger Dianscht“ vum Ìnschtitüüt fìr politischa Schtüdia z’ Schtroossburi (Sciences Po Strasbourg) bschtànda. Schuu-n-àls Schtudant hàt’r fìr a federààla-n-Öiropà kampft.

Ànna 1961 hàt dr Howiller ain Joohr làng a Pràktikum bii dr Tàgeszittung Der Elsässer gmàcht. Ìm naachschta Joohr ìsch’r àls Schurnàlìschtapràktikànt àn dr Wìrtschàftsredàkzioon vu dr Zittung Dernières Nouvelles d’Alsace inagànga. Därt ìsch’r ànna 1968 Ùffsàtzlaiter vu dr Wìrtschàftsredàkzioon worra, ùn drnooh Zittungslaiter ìm Owerelsàss z’ Kolmer ànna 1971. Ar ìsch doo vu 1979 bis àm Andsjoohr 2004 Ùffsàtzlaiter gsìì. Àn dara Schtälla hàt’r em Raymond Felden noohgfolgt. Àls Ùffsàtzlaiter hàt’r wälla, àss ìn dr Zittung hüüfiger ìwwer d’ Ärragnissa-n-ìm Owerelsàss ùn ìm Bàda-Wìrttabärg brìchtet wìrd. Ànna 2005 ìsch’r Verwàlter vu dr Zittung worra. Àls Ùffsàtzlaiter hàt ìhm dr Dominique Jung noohgfolgt.

Vu 1986 bis 2005 ìsch drzüa dr Howiller Verwàlter vu dr Noohrìchta-n-àgantüür Agence France-Presse (AFP) gsìì. Vu 1978 bis 2000 ìsch’r Mìtglìed ìm Schtandiga Root vu dr frànzeescha Gwarkschàft vu dr Regionààla Tààgesprassa (SPQR) worra. Vu 1994 bis 2004 ìsch’r Vorsìtzender vu dr Ùffsàtzkùmmissioon vu dr Groupement grands régionaux gsìì. Naawadràà ìsch’r vu 1984 bis 2004 Verwàlter vum Üniwärsitäätszäntrum fìr d’ Lehr vum Schurnàlìschmus (CUEJ) z’ Schtroossburi gsìì.

Naawa siim Schàffa-n-àls Schurnàlìscht hàt dr Howiller ìn sìewa Biacher siina Ààschàuijung vum Elsàss, Rhiilànd un Öiropà üssgedruckt. Driizeh Joohra làng hàt’r àn da „Pierre-Pflimlin-Sümpoosia“ z’ Bàda-Bàda mìtgmàcht.[1] Ìn siina Àuiga sott Schtroossburi a Àrt vun Hàuiptschtàdt vum Owerrhii wara —dr Howiller salbscht hàt fliassend Hoochdiitsch grädd. Ar hàt ùnteràndrem d’ Idee vun’ra diitsch-frànzeescha Zittung ùnterschtìtzt.[2] Schuu-n-ìn da Joohra 1990 hàt’r sìch geega d’ Integràzioon vum Elsàss ìn a greessera-n-oschtfrànzeescha Regioon iigschtällt. D’ Ideea vu da elsassischa-n-Otonomìschta hàt’r àwwer haftig kritisiart.

Ànna 2005 ìsch dr Howiller ìn Rüahjschtànd gànga. Ar hàt jedoch mehrera-n-Amter üüsiawt: ar ìsch àb 2006 Vorsìtzender vu dr Schtìftung Fond’Action Alsace gsìì,[3] ùn àui Vorsìtzender vum Öiropäischa Forum fìr Kültüür – Rhiilànd, Verwàlter vum Frììndaverain vu dr Üniwärsitäät Schtroossburi, ùn Vorsìtzender vum Verwàltungsroot vu Sciences Po Strasbourg. Züadam hàt’r bis züa siim Tood fìr d’ elsassischa Wùchazittung L’Ami Hebdo a Kolumna ìwwer d’ politischa, wìrtschàftliga ùn soziààla Laawa vum Diitschlànd gschrìewa.

Ìn siina lätschta Laawesjoohra-n-ìsch dr Howiller krànk gsìì. Gschtoorwa-n-ìsch’r z’ Schtroossburi àm 7. Àugischt 2022, ìm Àlter vu 83 Joohra.

d’ Biacher, wo-n-’r gschrìewa hàt[ändere | Quälltäxt bearbeite]

  • Mémoires de Midi ou les Mutations de l’Alsace 1960-1993, Éditions Koufra Nuée bleue 1993
  • Alsace 2001 - Nouveaux Défis sur le Rhin, Éditions La Nuée bleue 1998
  • Entre Le Coq et l’Aigle, géopolitique du Rhin, Éditions La Nuée Bleue 2000
  • L’Europe au cœur - Les engagements d’un journaliste alsacien , Éditions La Nuée bleue 2004
  • Souvenirs pour demain : entretiens avec Alain Howiller, zamma mìt’m Marcel Rudloff, La Nuée bleue 1996
  • Alsace Vivante, unter dr Laitung vum Gérard Heintz, Éditions Oberlin 1999

d’ Üüszaichnunga, wo-n-’r bikumma hàt[ändere | Quälltäxt bearbeite]

  • Ritter ìm Nàzionààla Verdianschtoorda ànna 1997[3]
  • Ritter vu dr Eehralegioon ànna 2004[4]
  • Verdianschtoorda vu dr Bundesrepüblik Diitschlànd ànna 2007[3]
  • Offiziar vu da Àkàdemischa Pàlma ànna 2015[5]

Lìteràtüür[ändere | Quälltäxt bearbeite]

  • Jean-Pierre Kintz: Howiller Alain Jean-Claude (1939-). In: Nouveau dictionnaire de biographie alsacienne. Band 45. Fédération des sociétés d’histoire et d’archéologie d’Alsace, S. 4698 (französisch).
  • Christian Bach, Dominique Jung: Alain Howiller, un homme de presse ouvert sur le monde, ancré en Alsace. In: Dernières Nouvelles d’Alsace. 11. August 2022 (französisch, dna.fr [abgerufen am 13. August 2022]).
  • Alain Howiller, ancien directeur-rédacteur en chef des DNA , est décédé. In: L’Alsace. 10. August 2022 (französisch, lalsace.fr [abgerufen am 13. August 2022]).
  • En souvenir d’Alain Howiller. In: L’Ami hebdo. 10. August 2022 (französisch, ami-hebdo.com [abgerufen am 13. August 2022]).

Ainzelnoohwiisa[ändere | Quälltäxt bearbeite]

  1. Christian Frietsch: Alain Howiller ist tot – Ehemaliger Chefredakteur der Dernières Nouvelles d'Alsace war ein Freund Baden-Badens. In: goodnews 4 Baden-Baden. 10. August 2022, abgruefen am 13. August 2022.
  2. Alain Howiller est décédé. In: Eurojournalist.eu. 10. August 2022, abgruefen am 13. August 2022 (französisch).
  3. 3,0 3,1 3,2 Alain HOWILLER, Président de Fond'action Alsace. In: Ambassadeurs d’Alsace. Abgruefen am 13. August 2022 (französisch).
  4. Décret du 9 avril 2004 portant promotion. In: Journal officiel de la République française. Nr. 87, 11. April 2004, S. 6829 (französisch, france-phaleristique.com [abgerufen am 13. August 2022]).
  5. Dur a Verordnung vum 1. Janner 2015
Dä Artikel basiert uff ere fräie Übersetzig vu dere Version vum Artikel „Alain_Howiller“ vu de französische Wikipedia. E Liste vu de Autore un Versione isch do z finde.