Albedo

middleri Albedowerte im Sunnesystem
Planet	geometrischi Albedo	sphärischi Albedo
Merkur	0,106	0,119
Venus	0,65	0,76
Erde	0,367	0,39
Mars	0,15	0,16
Jupiter	0,52	0,7
Saturn	0,47	0,74
Uranus	0,51	0,81
Neptun	0,41	0,29
Pluto	0,6	0,5
Albedowerte vu verschidene Oberfläche
Material	Albedo
frischer Schnee	0,80-0,90
alder Schnee	0,45-0,90
Wolke	0,60-0,90
Wüste	0,30
Savanne	0,20-0,25
Felder (ubestellt)	0,26
Rase	0,18-0,23
Wald	0,05-0,18
Asphalt	0,15
Wasserflächi (Naigigswinkel > 45°)	0,05
Wasserflächi (Naigigswinkel > 30°)	0,08
Wasserflächi (Naigigswinkel > 20°)	0,12
Wasserflächi (Naigigswinkel > 10°)	0,22

Dialäkt: Markgräflerisch (Ebringe)

D' Albedo (lat. albidum = wisslich; lat. album = wiss) isch ä Maß fer s'Ruckstrahlvermöge vu diffus reflekteerende (remitteerende), also nit spiegelnde un nit selber lüchtende Oberfläche.

Albedoarte

Es werre verschidini Arte vu de Albedo underschide:

• Die geometrisch Albedo (au visuelli geometrischi Albedo gnennt) isch der vu ere senkrecht bestrahlte Chuglehalbflächi diffus in de Halbruum gstrait Bruchdail vu de uffallende Leechtmengi, im Verhältnis zue de Ruckstrahlig vu ere wisse, diffus reflekteerende Halbchugle mit de gliche Größi un in de gliche Entfernig mit em Phasewinkel 0° zum Beobachter.

• Die sphärisch Albedo (au Bondsche Albedo gnennt) isch s'Verhältnis vu de vu ere Chugleoberflächi nooch alle Richtige gestraite Leechtmengi zue de parallel igstrahlte Leechtmengi.

• Die hemisphärisch Albedo isch de Adail vum ifallende Leecht, wo vu de Oberflächi in Abhängigkait vum Ifallswinkel gstrait wird.

S'Verhältnis vu de Ruckstrahlig zue de Istrahlig cha theoretisch Werte vu 0 bis 1 anämme. Je größer de Adail vu de reflekteerte Strahlig isch, desto heller isch d'Oberflächi un um so höcher isch d'Albedo. Die sphärisch Albedo isch bi glichem Material maistens äweng größer als die geometrisch. De Zämmenhang zwische ihne wird mathematisch dur s'sognennt Phaseintegral vermiddlet. In de Astronomi ermöglicht de Vergliich mit de Albedowerte vu irdische Substanze, Ruckschlüss uf d'Beschaffehait vu andere planetare Oberfläche z'ziege. Gmäß vu de Definition vu de sphärische Albedo isch d'Vorussetzig vu parallel ifallendem Leecht wäge de große Entfernige vu de reflekteerende Himmelskörper vu de Sonne als Leechtquelle sehr guet gä.

Iflüsse

Wenn Wärmi dur Strahlig zuegfüehrt wird un hauptsächlich dur anderi Prozesse abgfüehrt wird, erraiche Oberfläche mit geringerer Albedo höcheri Temperaturen (vgl. Asphalt un Schnee). Wenn Wärmi hauptsächlich dur anderi Prozesse zuegfüehrt wird un (u. A.) dur Strahlig abfüehrt wird, erraiche Oberfläche mit gringerer Albedo gringeri Temperature (säll isch au de Grund, worum d'Chüehlkörper vu elektronische Gräte maistens schwarz sin).

Glatti Oberfläche wie Wasser, Sand, Schnee hän ä relativ hoche Adail vu spiegelnder Reflexion, ihri Albedo isch deshalb starch abhängig vum Ifallswinkel vu de Sunestrahlig (lueg d'Tabelle).

Middleri Albedo im Sunnesystem

D'Venus besitzt mit ere middlere sphärische Albedo vu 0,76 ä sehr hochs, de Erdmond mit durschnittlich 0,12 ä sehr gringes Ruckstrahlvermöge un d'Erde het ä middleri sphärischi Albedo vu 0,39. De höchst bisher gmessen Wert fallt mit 0,99 uf de Saturnmond Enceladus und de nidrigst Middelwert isch mit numme 0,03 am Komet Borrelly festgstellt worre.

Messig

D'Messig vu de Albedo erfolgt iber Albedometer.

Literatur

• Joachim Gürtler un Johannes Dorschner: Das Sonnensystem., Barth (1993), ISBN 3-335-00281-4

Weblink

• Max Planck Institut Mainz

Dä Artikel basiert uff ere fräie Übersetzig vum Artikel „Albedo“ vu de dütsche Wikipedia. E Liste vu de Autore un Versione isch do z finde.