Brahma

E aglüegti Version vo derre Site, wo am 14. April 2022 freige worre isch, basiert uff derre Version.

De Brahma (Sanskrit: ब्रह्मा, Brahmā m.) isch e Gott im Hinduismus und bildet zäme mitem Vishnu und em Shiva e Trias, wo d Schöpfig (Brahma), d Erhaltig (Vishnu) und d Zerstöörig (Shiva) symbolisiert.

De Brahma spillt kai wichtigi Role im Kult und fungiert as Schöpfer vo de Welt. Er het vier Chöpf, wo di vier Himelsrichtige symbolisieret. D Welt erschafft er dör s Singe vo de hailige Silbe Om. Sis Riittier (vāhana) isch de Schwan. Sini Frau isch d Sarasvati, d Göttin vo de bildende Chünst. As sini Söö wered die groosse Waise (maharṣi) gnennt, d Zaal vo dene isch aber nöd fest und schwankt zwöschet öppe sibe und zwölf. Au d Näme vo dene schwankt je noch Öberliferig.

De Brahma het i ganz Indie nume grad zwee Tempel, won em Brahma gwidmet sind, ann dodevo litt z Pushkar im indische Bundesland Rajasthan. Doch werd er au i anderne Temple hüüffig dargstellt.

Büecher

Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X