Om

Us der alemannische Wikipedia, der freie Dialäkt-Enzyklopedy
Dä Artikel bschribt die heiligi Selbe "Om". Witeri Bedütige (insbesonderi Abchörzige) lueg OM.
Om-Zeichen i de Devanagari-Schreft

Om (Sanskrit: ॐ oṃ. auṃ; ओंकार oṃkāra m. "Om-Silbe" und प्रणव praṇava m. gnennt) esch e Silbe, wo be de Hindueschte, Jainas und Buddhischte als heilig gelt.

Klang[ändere | Quälltäxt bearbeite]

De Klang stohd för de transzendenti Urklang; us sine Vibratione esch noch hinduistischem Verständnis s gesamte Universum entstande. Es bezeichnet die höchschti Gottesvorstellig, s formlose Brahman, di onpersönlechi Wältseele. Die omfasst s Riich vo de sechtbare Erschiinige ond s Riich vom Transzendänte.

Om esch s omfassendschte ond erhabenschte Symbol vo de hinduistische Metaphysik ond esch s erschtemol ide Upanishade verwändet worde. Spöter esch Om als d Verbendig vo de drü Kläng a, u, m zum Objekt mystischer Meditation worde. Onder anderem symbolisiert es d'Triade vom Brahma, Vishnu ond Shiva. Es korreschpondiert met de Zueständ vom Wache, Träume ond de tiefschte Rueh. I allne hinduistische Religione gilt s als s heiligschte vo allne Mantras.

Gägewart vom Absolute[ändere | Quälltäxt bearbeite]

Om spelt au im Buddhismus, vor allem im Vajrayana als mantrischi Selbe e grossi Rolle. Om esch sowohl es Symbol vo de Form als au es Symbol vom Klang ond bezeichnet d Gägewart vom Absolute. Die heiligi Selbe esch Gägestand vo onzählige philosophische Spekulatione vo de verschedene Glaubensströmige. De Joachim Ernst Berendt vergliicht es met em chreschtleche Amen.

Om (Zeichen)[ändere | Quälltäxt bearbeite]

Im indische Schrefte werd d Selbe Om dor es spezielles Zeiche dargstellt. Das Om-Zeiche i de Devanagari-Schreft (ॐ) werd oft als Symbol vom Hinduismus wohrgno.

Lueg au[ändere | Quälltäxt bearbeite]

Literatur[ändere | Quälltäxt bearbeite]

  • Philosophie ond Religion vo Indie, Heinrich Zimmer, 1. Uflag, Frankfurt am Main 1973, S. 333-339.
  • Hindu Symbology and other Essays, Sri Ramakrishna Math, Madras, India
  • Hindu Shastras and Samskaras, by V.A.k. Ayer, Bharatyia Vidya Bhavan, Bombay

Weblinks[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Om“ vu de dütsche Wikipedia. E Liste vu de Autore un Versione isch do z finde.