20 Minute

20 Minuten / 20 minutes / 20 minuti    Beschriibig Schwizer Pändlerzitig Verlag 20 Minuten AG (de) / 20 minutes SA (fr, bäidi im Bsitz vo Tamedia) / 20 minuti Ticino SA (it, Joint Venture vo Tamedia und la Regione Ticino) Erstusgob 1999 (de) / 2006 (fr) / 2011 (it) Erschiinigswiis Mo–Fr Verbreiteti Uflag (WEMF-Auflagenbulletin 2013) 493'236 (de) / 203'189 (fr) / 33'823 (it) Exemplar Riichwiiti (WEMF MACH Basic 2014-1) 1,567 (de) / 0,562 (fr) / 0,088 (it) Mio. Läser Weblingg www.20min.ch (de) www.20minutes.ch (fr) www.20minuti.ch (it)

20 Minute (dytsch 20 Minuten, franzöösisch 20 minutes und italienisch 20 minuti) isch e gratis Schwizer Pändlerzitig. Die dütschi Usgoob 20 Minuten isch 1999 vom norwägische Mediekonzärn Schibsted gründet worde. S Schwizer Medieundernääme Tamedia het sä 2005 übernoo. 2006 het Tamedia die französischi Usgoob 20 minutes und 2011 zämme mit la Regione Ticino die italiänischi 20 minuti gründet.

D Zitig erschint im Tabloidformat und bresentiert Noochrichte in chürzister Form. E grössere Stellewärt häi bulewardeski Gschichte und dr Serwisdäil. D Zitig wird in Zitigsboxe an Baanhööf und in de Kärnstedt und Agglomerazioone noch em Sälbstbedienigsbrinzip verdriibe. Si isch im Vergliich zu andere Ditel vor allem bi dr jüngere Lääserschaft beliebt.

Dr Naame «20 Minuten» bezieht sich uf d Zit, wo e Pändler im Durchschnitt uf sim Wääg zur Aarbet im öffentlige Vercheer verbringt.

Litratuur

• Marcus Haas: „Die geschenkte Zeitung“: Bestandsaufnahme und Studien zu einem neuen Pressetyp in Europa. LIT Verlag, Münster 2005, ISBN 978-3-82-588632-5.

Weblingg

• 20min.ch d Website vo 20 Minute
• 20minutes.ch d Website vo 20 minutes
• 20minuti.ch d Website vo 20 minuti