Tanga-Insle
| Tanga-Inseln | ||
|---|---|---|
| Gwässer | Pazifik | |
| Geografischi Lag | 3° 26′ S, 153° 16′ O | |
| ||
| Zahl vo de Insle | 11 | |
| Hauptinsle | Boang | |
| Gsamtflechi | 1 km² | |
D Tanga-Insle sin e Inselgruppe, 55 Kilometer nordeschtli vu Neiirland im Bismarck-Archipel im Weschtpazifik. Bolitisch ghere si zue dr Provinz New Ireland z Papua-Neiginea. Fir d Insle git s au d Näme Anthony-Caens-Insle oder D'Oraisongruppe.
Geografi
[ändere | Quälltäxt bearbeite]D Tanga-Insle sin di chlaischt Gruppe vu dr Tabar-Lihir-Tanga-Feni-Inselchette. Malendok un Boang sin di bode greschte Insle, chlaineri sin Lif, Tefa, Bitlik un Bitbok. D Insle sin entstande us Schichtvulkan, wu zue Caldera zämegheit sin.
Gschicht
[ändere | Quälltäxt bearbeite]Dr erscht Europäer, wu zue dr Tanga-Insle chuu isch, isch dr niderländisch Seefahrer Abel Tasman im April 1643 gsii. Vu 1885 bis 1899 het d Inselgruppe zum sognännte „Dytsche Schutzbiet“ un vu 1899 bis 1914 zue dr Koloni Dytsch-Neiginea, Verwaltigsbezirk Neumecklenburg-Süd ghert. Anne 1914 sin d Insle vu auschtralische Druppe eroberet un noch em Erschte Wältchrieg as Mandat vum Velkerbund vu Auschtralie verwaltet wore. Syt 1975 sin si Dail vum unabhängige Staat Papua-Neiginea.
Bevelkerig
[ändere | Quälltäxt bearbeite]Im Zensus vu 1990 isch d Zahl vu dr Yywohner vu dr Tanga-Insle mit rund 5000 aagee wore. Gschwätzt wird uf dr Insle dr glychnamig Dialäkt vu dr Tanga-Sproch (au Tangga, ISO 639 Sproch-Code: tgg), ere auschtronesische Sproch, wu au uf dr Feni-Insle un in drei Derfer uf Neirland gschwätzt wird.
 |
Lyt
[ändere | Quälltäxt bearbeite]Dr Julius Chan, dr friejer Bremierminischter vu Paupa-Neiginea, isch z Tanga uf d Wält chuu.
Literatur
[ändere | Quälltäxt bearbeite]Robert J. Foster: Social Reproduction and History in Melanesia: Mortuary Ritual, Gift Exchange and Custom in the Tanga Islands. Cambridge: Cambridge University Press, 1995.
Weblink
[ändere | Quälltäxt bearbeite]- Tanga Islands uf oceandots.com
- Tanga im Global Volcanism Program vu dr Smithsonian Institution
- Tanga, Deutsches Kolonial-Lexikon (1920), Band III, S. 455
- Tangga uf ethnologue.com