Struve-Bogen
Us der alemannische Wikipedia, der freie Dialäkt-Enzyklopedy
Dr Struve-Boge, noch em Friedrich Georg Wilhelm von Struve (1793-1864), isch ä langgschdreckts Netz vo geodätische Vermässigspünkt. Er isch vo 1816 bis 1852 under dr Ufsicht vom Struve und vom russische Offizier Carl F. Tenner (1783–1859) errichtet worde und dient sithär zur genaue Beschtimmig vo dr Grössi und Form vo der Ärde mit Hilf vo Triangulation. Die Internationali Vereinigung vo de Vermessigsingenieur (FIG) bedreut en.
[ändere] Verlauf
Dr Struve-Boge fooht a bi Fuglenes (70°40'11"N, 23°38'48"O, bi Hammerfest am Nordkap) und zieht sich bis Staro-Nekrassowka (45°20'48"N, 28°55'48"O, bi Ismajil am Schwarze Meer). Von Norde nach Süde lauft er dur Gebiet vo Norwäge, Schwede, Finnland, Russland, Eschdland, Lettland, Litaue, Wiissrussland, Moldawie und Ukraine. Er isch in dr Nord-Süd-Richtig über 2821,833 km (= 25°20'08") lang. Dr Struve-Boge beschdoht us 265 Vermessigspünkt, wo 258 Hauptdreiegg bilde. Drzue chömme über 60 Näbevermässigspünkt.
[ändere] UNESCO Wältkulturerb
Dr Struve-Boge isch näbe siiner Bedeutig für d Geodäsii au ä früechs Bischbil für die internationali wüsseschaftligi Zsämmenarbet. 34 vo siine Mässpünkt si dorum vom World Heritage Committee vo der UNESCO am 15. Juli 2005 in d Lischte vom Wältkultur- und Naturerb vo der Menschheit ufgnoh worde und isch äso s erschte "wüsseschaftlige Inschtrumänt" in dere Lischte.
Dr Artikel basiert uf ´ra freie Ibersetzung vum Artikel „Struve-Bogen“ us dr dytsche Wikipedia.
E Lischte mit de dörtige Autore kasch dörte aluege
 Wenn dr meh züe dem Thema weisch, no schrib s dezüe und entfern nochher d Markierig {{Stumpen}}.Wenn de no nie e Stumpe erwitert häsch, no findsch do Hilf dezüe. |
