Sonnentau

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Sonnentau
Drosera derbyensis ne1.JPG

Drosera derbyensis

Systematik
Chlass: Bedecktsamer (Magnoliopsida)
Eudikotyledone
Cherneudikotyledone
Ordnig: Nelkeäänlechi (Caryophyllales)
Familie: Sùnetougwächs (Droseraceae)
Gattig: Sonnentau
Wüsseschaftlige Name
Drosera
L.
Dialäkt: Seislertütsch
Drosera admirabilis

D Gattig Sùnetou (Drosera; alemannischi Näme) bǜudet mit iiras uber 170 Aarte iini vo de grööschti Gattig vo de fliischfrässende Pflanze, si zöüt zù de Famylie vo de Sùnetougwächs (Droseraceae).

Etymologyy[ändere | Quälltäxt bearbeite]

Sowou de botaanischa Naame (vom gryychische Drosos fer „Tou“) aus o de tütscha Naame liite sich vom glänzende Usgsee vo de zauriiche Drüüsesekrettropfe a de Spitzi vo de Tentakù ab, wo a di morgendlechi Toutropfe erinnere.

Merkmaau[ändere | Quälltäxt bearbeite]

Sùnetouaarte sy säute ii-, meistens aber meejäregi Chrütter, si bǜude Rosette, sin ufrächt oder chlättere; si sin vo mitterer Grössi vo iim bis hùndert Zentymeeter, je nach Aart; Sùnetou-Aarte, wo chlättere, chii jedoch a wesentlech gröösseri Lengi erryyche, ùber 3 Meeter sy berichtet cho (Drosera erythrogyna). Sy chii nachwyyslech as Auter vo ùber 50 Jaar erryyche. Di Gattig isch so seer ùf d Ufnaam vo Stickstoff dùrch Ynsektefäng spezyalysiert, dass iira ds Enzym, wo d Pflanze normalerwyys fer d Ufnaam vo bodebùnenùm Nytraat bruuche, vouständig feeut.

Wùchsfoorme[ändere | Quälltäxt bearbeite]

Di Gattig laat sich i verschideni Wùchsfoorme yytiile:

Ustryybendi Chnola Drosera zonaria
  • Temperierti Foorme: Hie dezue zöle ali Aarte, wo z Öyroopa voorchäme. D Pflanze zye fer d Ùberwinterig ina Ùberwinterigsknospa, a soognannti „Hybernaakù“ yy, ùs däm si im Früüjaar ummi ustryybe (= „Hemikryptophyt“).
  • Subtroopeschi Foorme: D Pflanze hii ùnder klymaatisch aanääernd glyychi Bedingige a ganzjäregi Vegetatyonsperyooda.
  • Zwärgdrosera: A Grùppa vo rùnd 30 australische Aarte, wo sich dùrch Zwärgwùchs, d Bǜudig vo Bruutschùppe ù d Usbǜudig vonnera dichti Behaarig im Härze vo de Rosetta usziichne. Dia dient de Pflanze dezue, sich vo de yntensyyvi Sùna im australische Sùmmer z schǜtze. Si entspricht de Sekzyoon „Bryastrum“.
  • Chnoledrosera: Rùnd zwenzg australeschi Aarte zye zù de Ùberduurig vomena extreem trochene Sùmmer ina ùnteryyrdeschi Chnola yy, ùs däri si im Herbst ùmmi ustryybe. Di sognannti Chnoledrosera chùnnt wytter ùndertǜut, je nachdäm, ob si ufrächt wachse, chlättere oder rosetteföörmeg sin. Di Grùppa entspricht de Ùndergattig „Ergaleium“.
  • Petiolaris-Komplex: A tropeschi Grùppa vo australische Aarte, wo ùnder glyychblyybend hooye Temperatuure, aber i wächsùfüechte Bedingige läbt. Iinigi vo de 14 Aarte vo de Grùppa hii dezue spezieli Strategyye drusuusbǜudet, z. B. a dichti Behaarig, wo glyychermasse vo de Ustrochnig schǜtzt wy zùm Uffaa vo Kondenswasser ùs de Lùft dient; das isch eppa bim Moorgetou de Fau. Si entspricht de Sekzyoon „Lasiocephala“.

Obwou nid dùrchena Wùchsfoorm im strenge Sinn defyniert, chùnnt hüüfig no a wytteri Gruppierig aagfüürt:

Wùùrzle[ändere | Quälltäxt bearbeite]

Ds Wùùrzusysteem vo de meischte Drosera isch nùme schwach uspräägt. As dient houptsächlech de Verankerig vo de Pflanze im Ùndergrùnd ù zù de Wasserufnaam; fer d Näärstoffversoorgig sy d Wùùrzle fasch bedüttigslos.
As paar südafrykaaneschi Aarte spichere i iiner Wùùrzù Wasser ù Näärstoff. Bi paarne australische Aarte sy zu däm Zwäck Chnole ùs Spycherorgaan aagliit; si diene fer d Ùberduurig vo de Pflanze innera extreemi Trochehiit.

Systematik[ändere | Quälltäxt bearbeite]

Systematik na Seine & Barthlott, 1994 [1], ergänzt um Revisione ([2], [3]) und Nöibschriibige in Undergattigen und Sektione ufteilt.

Literatur[ändere | Quälltäxt bearbeite]

  • Wilhelm Barthlott, Stefan Porembski, Rüdiger Seine, Inge Theisen: Karnivoren. Biologie und Kultur fleischfressender Pflanzen. Eugen Ulmer, Stuttgart (Hohenheim) 2004, ISBN 3-8001-4144-2.
  • A. Correa, D. Mireya, Tania Regina Dos Santos Silva: Drosera (Droseraceae); in: Flora Neotropica, Monograph 96; New York 2005
  • Charles Darwin: Insectenfressende Pflanzen; Stuttgart 1876
  • Ludwig Diels: Droseraceae; in Adolf Engler (Hrsg.): Pflanzenr. 4, 112: 109, 1906
  • Allen Lowrie: Carnivorous Plants of Australia, Bände 1–3, Englisch, Nedlands, Western Australia, 1987–1998

Fuessnote[ändere | Quälltäxt bearbeite]

  1. Rüdiger Seine, Wilhelm Barthlott: Some proposals on the infrageneric classification of Drosera L.; Taxon 43:4; S. 583–589, 1994
  2. Allen Lowrie: A taxonomic revision of Drosera section Stolonifera (Droseraceae) from south-west Western Australia; Nuytsia 15 (3), 2005; S. 355–393, Online
  3. Allen Lowrie, John G. Conran: A revision of the Drosera omissa/D. nitidula complex (Droseraceae) from south-west Western Australia; in: Taxon 56 (2007); S. 533–544
  4. 4,0 4,1 4,2 A. Lowrie, J. G. Conran: A review of Drosera whittakeri s. lat. (Droseraceae) and description of a new species from Kangaroo Island, South Australia in: Telopea, 12(2): 147-165, 2008

Weblink[ändere | Quälltäxt bearbeite]

 Allmänd (Commons): Sunnetou (Drosera) – Album mit witere Multimediadateie