Royal Society

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Royal Society
Zwäck: Wüsseschaft und Forschig
Vorsitz: Paul Nurse
Gründigsdatum: 15. Juli 1662
Sitz: London
Website: www.royalsoc.ac.uk

D Royal Society (Königlichi Gsellschaft) isch e britischi Gsellschaft vo Gleerte mit em Ziil d Wüsseschaft z pflääge. Si isch die nazionali Akademii vo de Wüsseschafte vom Veräinigte Köönigriich für d Naturwüsseschafte. Iiri Mitgliider wärde as Fellow of the Royal Society (churz FRS) bezäichnet.

Allgemäins[ändere | Quälltäxt bearbeite]

S Geböid vo dr Royal Society z London
S Geböid vo dr Royal Society z Edinburgh
Vom 9. Januar 1667 bis Ändi Oktober 1674 häi die wöchentlige Dräffe im Arundel House stattgfunde. Vom 12. Novämber 1674 aa het mä sich wider im Gresham College droffe.

As „Royal Society“ – ooni witeri Zuesätz – wärde d Royal Society z London (gründet 1660) und d Royal Society z Edinburgh (sit 1783), wo äng mit dr Londoner Instituzion verbunde isch, bezäichnet. Iir Ziil, und das vo dr Royal Irish Academy z Dublin, wo 1785 gründet worde isch, isch d Förderig vo dr wüsseschaftlige Forschig.

Alli drei Gsellschafte widme sich fast usschliesslig dr Mathematik und de Naturwüsseschafte. Es git no verschiideni anderi Royal Societies, wo anderi Wüsseschaftszwiig fördere, und gmäinnützigi Königlichi Gsellschafte.

Groossbritannie und Irland häi weniger Gsellschafte für d Förderig vo dr allgemäine Wüsseschaft, wo akademisch konstituiert si, sondern eender Veräin, wo bsundrigi Zwiig vom menschlige Wüsse wäi pflääge. Das merkt mä nit zletscht an däm, wie vil Königlichi Gsellschafte es git.

D Royal Society verdäilt sit 1987 verschiideni Uszäichnige für wüsseschaftligi Arbäite, bsundrigs d Hughes-Medallie. Anderi Uszäichnige si u. a. d Copley-Medallie, d Royal Medallie und d Sylvester-Medallie.

Litratuur[ändere | Quälltäxt bearbeite]

  • Bill Bryson (Hrsg.): Seeing Further. The Story of Science and the Royal Society. Harper Press, London 2010, ISBN 978-0-00-730256-7.
  • Thomas Birch: The history of the Royal Society of London for improving of natural knowledge from its first rise, in which the most considerable of those papers communicated to the Society, which have hitherto not been published, are inserted as a supplement to the Philosophical Transactions. 4 Bände, A. Millar, London 1756–1757, Band 1 (1660–1664), Band 2 (1665–1671), Band 3 (1672–1679), Band 4 (1680–1687).
  • Marie Boas Hall: Promoting experimental learning: experiment and the Royal Society 1660–1727. Cambridge University Press, 1991, ISBN 0521405033.
  • Thomas Sprat: The history of the Royal Society of London, for the improving of natural knowledge. J. Martyn, London 1667, (online).
  • Charles Richard Weld: A History of the Royal Society: With Memoirs of the Presidents. J. W. Parker, London 1848, Band 1 (1660–1745), Band 2 (1746–1847).

Weblingg[ändere | Quälltäxt bearbeite]

 Allmänd (Commons): Royal Society – Sammlig vo witere Multimediadateie

Fuessnoote[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Royal_Society“ vu de dütsche Wikipedia.

E Liste vu de Autore un Versione isch do z finde.