Naturwissenschaft

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Walestadt

Dr Begriff Naturwüsseschaft definiert d'Wüsseschaft vum Verstah und'm Erchläre vum lebendigem und unlebendigem i de Natur. Traditionelli Grundfächer vu dere Wüsseschaft si zum Bispiil d'Physik, d'Chemie und d'Biologie. Hüt zu Tag chame meh Fächer drzue zälle, unter anderem d'Astronomie.

Im Gegesatz zur Mathematik chame bide Naturwüsseschafte alli Vorgäng erchläre und Gsetzesmässigkeite finde. D'Mathematik higege isch e Strukturwüsseschaft, wodri d'Tätigkeite nach Axiome oder logische Gsetzt ablaufet. Di meischte Naturwüsseschafte beschribet Wüsseschafte, wo dri öppis aktiv passiert, wie zum Bispiil d'Biologie (z.B. Wachstum vu Lebewese), d'Physik (z.B. Magnetchräft uf de Erde) oder d'Chemie (Mischige und Spaltige).