Richard Buckminster Fuller

Us der alemannische Wikipedia, der freie Dialäkt-Enzyklopedy
Richard Buckminster Fuller

Dr Richard Buckminster Fuller (vilmol abkürzt zu R. Buckminster Fuller, au Bucky Fuller; * 12. Juli 1895 z Milton, Massachusetts; † 1. Juli 1983 z Los Angeles) isch en amerikanische Archidekt, Konstrukdöör, Visionäär, Disäiner, Filosof und Schriftsteller gsi. Er zelt näben em Frei Otto und em Santiago Calatrava zu de füerende Verdräter vo dr biomorfe Archidekduur.

Dr Fuller isch wäge sine Domes oder geodäätische Kupple bekannt worde, wo mä vilmol uf Usstellige, in Science-Fiction-Film oder as Däil vo Milidääraalaage (Radaarkupple) cha gsee. Die bekanntisti isch d Biosphère, wo dr Usstelligsbavillion vo de Veräinigte Staate an dr Expo 67 z Montreal gsi isch. Au Achterbaane häi in deene Chuugele Blatz (z. B. dr Eurosat im Europa-Park bi Rust). Si basiere uf ere Witerentwicklig vo äifachste geometrische Grundkörper (Tetraeder as 3-Simplex, Oktaeder und dichdisti Chuugelepackige) und si extreem stabiil und bruche zum baue seer weenig Materiaal. S Konstrukzioonsbrinzip isch 1954 patentiert worde.

Dr Fuller het as äine vo de Erste gsee, ass d Natuur under wirtschaftlige Brinzipie funkzioniert, und drbii effiziänt isch im Materiaal- und im Energiiverbruuch und e Tendänz zur Efemerisierig het. En andere wichdige Aspäkt für iin si die nutzbaare Synergie gsi, e Begriff, won er mit andere brägt het.

Liddratuur[ändere | Quälltäxt bearbeite]

  • Amy C. Edmondson: A Fuller Explanation. The Synergetic Geometry of R. Buckminster Fuller. Birkhäuser, Boston 1987, ISBN 0-8176-3338-3
  • Joachim Krausse & Claude Lichtenstein (Hrsg.): Your Private Sky. R. Buckminster Fuller. Design als Kunst einer Wissenschaft. Müller, Baden 2000, ISBN 3-907044-93-2 (Ausstellungskatalog des Museums für Gestaltung Zürich)
  • Joachim Krausse & Claude Lichtenstein (Hrsg.): Your Private Sky. R. Buckminster Fuller. Diskurs. Müller, Baden 2000, ISBN 3-907044-95-9 (Ergänzungsband zum Ausstellungskatalog)
  • K. Michael Hays, Dana A. Miller (Hrsg.): Buckminster Fuller: Starting with the Universe. Yale University Press (Whitney Museum of American Art) New York 2008, ISBN 0-300-12620-4
  • Christof Kehr (Hrsg.): Wir sind alle Astronauten. Universum Richard Buckminster Fuller im Spiegel zeitgenössischer Kunst, Bielefeld 2011 ISBN 978-3-86678-576-2
  • Elena Ochoa Foster (Hrsg.): Dymaxion Car: Buckminster Fuller, Ivory Press 2011 ISBN 978-0-9564339-3-0

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Richard_Buckminster_Fuller“ vu de dütsche Wikipedia. E Liste vu de Autore un Versione isch do z finde.