Reinhold Gall

Dr Reinhold Gall 2004 z Bsuech bi dr AWO-Freizyt z Hailbrunn

Dr Reinhold Gall (* 31. Oktober 1956 z Sülzbach) isch e dytsche Bolitiker (SPD) un syt Mai 2011 Inneminischter vum Land Bade-Wirttebärg.

Läbe

Dr gleert Färnmäldetächniker Reinhold Gall het syy bolitischi Laufbahn in dr Kommunalbolitik aagfange. Anne 1984 isch er in dr Gmairot vu dr Gmai Obersulm (Landchrais Hailbrunn) gwehlt wore, 1989 isch er Ortsvorsteher vu syym Haimetort Obersulm-Sülzbach wore, 1994 isch er in dr Chraisdag yyzoge. Bi dr Landdagswahl 2001 wisch er fir dr Wahlchrais Neckarsulm in dr Landdag vu Bade-Wirttebärg gwehlt wore, bi dr Wahle 2006 un 2011 isch er widergwehlt wore. Syt 2006 isch er Barlemäntarische Gschäftsfierer vu dr SPD-Landdagsfraktion gsii. Är isch inne- un bolizeibolitische Sprächer vu dr Fraktion gsii, vu 2004 bis 2006 derzue au Vorsitzende vum Innenuusschuss.

Dr Gall isch syter anne 2009 Vorsitzende vum Chraisfyyrwehrverband Hailbrunn un syt 1984 Chraisuusbilder vu dr Fyyrwehre im Landchrais Hailbrunn. Bis Juni 2007 isch er au Landesgschäftsfierer vu dr Sozialdemokratische Gmainschaft fir Kommunalbolitik (SGK) gsii.

Am 12. Mai 2011 isch dr Gall as Inneminischter vu dr grien-rote Regierig z Bade-Wirttebärg veraidigt wore. Syyni Ämter as Ortsvorsteher vu Sülzbach (1989–2011), Mitglid vu dr SPD-Fraktion im Chraisgad (1994–2011, ab 1999 as Vorsitzende) un Mitglid vuim Gmairot vu Obersulm (1984–2011) het er doderfir mieße ufgee.

Dr Reinhold Gall isch ghyrote un het zwee Sihn.

Weblink

 Allmänd (Commons): Reinhold Gall – Sammlig vo witere Multimediadateie

• vum Reinhold Gall

Dä Artikel basiert uff ere fräie Übbersetzig vum Artikel „Reinhold_Gall“ vu de dütsche Wikipedia. E Liste vu de Autore un Versione isch do z finde.