Reese C. De Graffenreid
| Dialäkt: Mìlhüüserdiitsch |
Dr Reese Calhoun De Graffenreid (* 7. Mai 1859 z’ Franklin, Tennessee; † 29. Àuigscht 1902 z’ Washington, D.C.) ìsch a àmerikànischer Jurischt un Politiker gsìì. Vu 1897 bis züa sim Tod hàt’r dr Bundesschtààt Texas vertratta ìm Repräsantàntahüs vu da Verainigta Stààta.
Lawa un Kàrriar[ändere | Quälltäxt bearbeite]
Dr Reese De Graffenreid ìsch ànna 1859 z’ Franklin uf d’ Walt kumma, ìm Bundesstààt Tennessee. Ar schtàmmt vum schwitzerischa Pàtriziargschlecht vu Grafferied.[1] Ar ìsch ìn sinera Haimet ìn d’ äffentliga Schüala gànga un hàt z’äärscht gschtudiart àn dr Universität vu Tennessee z’ Knoxville. Ar hàt dernoh Racht gschtudiart àn dr Cumberland University z’ Lebanon. Ànna 1879 hàt ma ìhn àls Rachtsànwàlt züagloh. Àls Ànwàlt hàt’r z’äärscht z’ Franklin gschàfft. Nochhar hàt’r uf Chattanooga gwàndelt, un schpeeter uf Longview ìm Texas, wo-n-’r àb 1883 àls Ànwàlt gschàfft hàt. Därt hàt’r àui àm Uffboi vum Texas and Pacific Railroad mìtgmàcht. Üsserdam ìsch’r àb Novamber 1882 fìr zwai Moneta Beziarksschtààtsànwàlt gsìì ìm Gregg County.
Dr Graffenreid ìsch Mìtglìed gsìì vu dr Demokràtischa Pàrtäi. Ànna 1888 ìsch’r a demokràtischer Wahler vum Electoral College gsìì fìr d’ Presidantawàhl. Ànna 1890 hàt’r sìch àn da Kongresswàhla ufgschtällt, ìsch àwer vum Constantine B. Kilgore gschlààga worra. Àn da Kongresswàhla vu 1896 ìsch’r jedoch àls Represantànt vum dritta Wàhlbeziark vu Texas gwählt worra. Ar ìsch àb em 4. März 1897 ìm Kongress gsassa; därt ìsch’r ìm Charles Henderson Yoakum si Nochfolger gsìì. Dr De Graffenreid ìsch zwaimol wìdergwählt worra un ìsch bis züa sim Tod àm 29. Àuigscht 1902 ìm Kongress blìewa. Ìn dara Zitt hàt dr Spànisch-Àmerikànischa Kriag schtàttgfunda.
Dr Reese De Graffenreid hàt ma z’ Longview beardigt.
Literàtür[ändere | Quälltäxt bearbeite]
- Suzanne Perry: De Graffenried, Reese Calhoun. In: Handbook of Texas Online. Texas State Historical Association (englisch, tshaonline.org [abgerufen am 12. Februar 2021]).
Weblinks[ändere | Quälltäxt bearbeite]
- Reese C. De Graffenreid im Biographical Directory of the United States Congress
- Reese C. De Graffenreid in dr Datebank vu Find a Grave
Referanz[ändere | Quälltäxt bearbeite]
- ↑ Hans Braun: Graffenried, von. In: Historisches Lexikon vo dr Schwiiz. 3. Janner 2006, abgruefen am 12. Hornung 2021.
