Römische Provinz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Römischi Browinze under em Trajan (117 n. d. Z.)

Die römische Browinze si Verwaltigsäihäite vom Römische Riich gsi.

Die römischi Browinzialverwaltig[ändere | Quälltäxt bearbeite]

Die römisch Browinzialverwaltig isch verantwortlig gsi für d Stüüre, d Doodesstroof und s Milidäär in iirem Gebiet. Si het d Iirichdige vo dr Verwaltig und vo dr Rächtsprächig, wenn s sonigi überhaupt gee het, was in de Browinze dusse vom Middelmeerruum vilmol nit dr Fall gsi isch, so wit wie möglig bhaltet. Für die Ufgoobe het dr Statthalter e chliine Staab gha. S Iidriibe vo de Stüüre isch vilmol d Sach vo Iihäimische gsi, wo persöönlig verantwortlig drfür gsi si.

D Bevölkerig isch under de Römer nüme vo dr Willkür vo lokale Despote abhängig gsi. E römische Bürger in dr Browinz het, wenn er zum Dood verurdäilt worde isch, bis zum e Proprätor und in dr Kaiserzit bis zum Kaiser sälber chönne appelliere und die freije Iiwooner vo dr Browinz bis zum Statthalter. Das het de Browinziale e Rächtssicherhäit verschafft, wo vili von ene vor dr römische Herrschaft nie kennt häi.

Au wenn s vor allem under dr Republik immer wider Usbütig dur korrupti Statthalter gee het, isch s dr Bevölkerig vo de Browinze under de Römer im groosse Ganze besser gange as vorhär. 700 Joor lang häi römischi Beamti Brovinze verwaltet, und es isch nume zun e baar Ufständ gege Rom choo (z. B. dr Pannonisch Ufstand, dr Boudicca Ufstamd und au die jüdische Ufständ).

Litratuur[ändere | Quälltäxt bearbeite]

  • Tilmann Bechert: Die Provinzen des Römischen Reiches. Einführung und Überblick. Zabern, Mainz 1999, ISBN 3-8053-2399-9.
  • Werner Eck: Provinz. Ihre Definition unter politisch-administrativem Aspekt. In: ders: Die Verwaltung des römischen Reiches in der Hohen Kaiserzeit. Bd. 2. Reinhardt, Basel 1998. S. 167–185, ISBN 3-7245-0962-6
  • Thomas Fischer (Hrsg.): Die römischen Provinzen. Eine Einführung in ihre Archäologie. Theiss, Stuttgart 2001, ISBN 3-8062-1591-X
  • Rudolf Haensch: Capita provinciarum. Statthaltersitze und Provinzialverwaltung in der römischen Kaiserzeit. Zabere, Mainz 1997 (Kölner Forschungen, 7), ISBN 3-8053-1803-0
  • Claude Lepelley: Rom und das Reich 44 v. Chr.–260 n. Chr. Bd. 2. Die Regionen des Reiches. Teubner, Münche/Leipzig 2001, ISBN 3-598-77449-4
  • Eckhard Meyer-Zwiffelhoffer: Imperium Romanum. Die Geschichte der römischen Provinzen, C.H.Beck, Münche 2009 ISBN 978-3-406-56267-9
  • Raimund Schulz: Herrschaft und Regierung. Roms Regiment in den Provinzen in der Zeit der Republik. Schöningh, Paderborn [u.a.] 1997, ISBN 3-506-78207-X
  • Gabriele Wesch-Klein: Provincia. Okkupation und Verwaltung der Provinzen des Imperium Romanum von der Inbesitznahme Siziliens bis auf Diokletian. LIT, Wien 2008, ISBN 978-3-8258-0866-2

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Römische_Provinz“ vu de dütsche Wikipedia.

E Liste vu de Autore un Versione isch do z finde.