Pierre Jaccoud

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Pierre Jaccoud

Dr Pierre Jaccoud (* 24. Novämber 1905 z’Gämf[1]; † 4. Juli 1996[2]) isch e Schwiizer Aawald u Bolitiker (FDP) gsi u wahrschindlech es Opfer vor Juschdiz worde.

Churzi Biografii[ändere | Quälltäxt bearbeite]

Dr Jaccoud ische bekannte Rächdsaawalt z’Gänf gsi. Är hed am Aafang ir Kanzléi vo sim Vatter as Aawalt gschaffed u isch schbéter Partner vor Kanzléi worde, bevor er si übernòo hed. 1953 u 1954 isch er Bresidänt vor Gämfer Aawalts–chammere gsi. Unger anderem heder dr Aly Khan as Schéidigsaawald wärend däm sire Schéidig vor Rita Hayworth verdéidigd u isch Aawalt vo mängne schwiizer u usländische Firmene z’Gänf gsi.[3] Vo 1936 bis 1958 isch är Mitgliid vom Grossä Raat vom Kantòon Gänf gsi.[4]

Dr Jaccoud isch imne umschdrittene u schbekdakuläre Mordbrozäss, dr Jaccoud–Affäre, 1960 füre Mord vom Landmaschinehändler Charles Zumbach (wo aber warschinlech mit Waffe mit dr Algèerische Befréiigsfront ghandled het u wäg däm umbrachd worde n isch) verùrdéilt worde; dr Fall isch nie klärt worde. Er isch zue sibe Jaar Zuchthuus verùrdéilt und 1963 wege «gueter Füerig» entlaa worde[5].

Dr Jaccoud isch verhüraated gsi u hed zwo Döchder u ne Sòon gha.

Kwälle[ändere | Quälltäxt bearbeite]

  1. L’affaire Jaccoud, le procès du siècle à Genève. Ir Tribune de Genève. 24. April 1999.
  2. Pierre Jaccoud: condamné au bénéfice du doute. Ir Tribune de Genève. 12. Ougschte 2009.
  3. L’Affaire Poupette. Ir Time. 1. Februar 1960.
  4. Dòdesaazéig. Im Journal de Genève. 11. Juli 1996.
  5. Gerhard Mauz: Ein Mord, ein Knopf, und Calvins Geist. In: Der Spiegel. Nr. 14, 1965, S. 119 (Online).
Dä Artikel basiert uff ere fräie Übersetzig vum Artikel „Pierre_Jaccoud“ vu de dütsche Wikipedia.

E Liste vu de Autore un Versione isch do z finde.