Parodie

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E satirischi Karikatur wo im Puck am 9. Oktober 1915 erschiine isch. D Legände drunder "I did not raise my girl to be a voter" (I ha mi Mäitli nid ufzooge für dass si goot go weele) isch e Parodii uf s Antichriegslied us em erste Wältchrieg "I Didn't Raise My Boy To Be A Soldier" (I ha mi Bueb nid ufzooge für dass er e Soldat wird).

E Parodii (griechisch παρῳδία parōdía „Geegelied“ oder „Lied, wo verstellt gsunge wird“) isch e Noochmache, wo verzert, überdribt oder verspottet.

Begriff[ändere | Quälltäxt bearbeite]

Vilmol si s bekannti Wärk, brominänti Persone oder Persoonegrubbe oder reali Eräignis, wo parodiert wärde. Charakteristischi Äigeschafte vom Originaal wärde überzäichnet und eso daargstellt. Die parodischi Verzerig gseet vilmol eine komisch us. E Parodii duet aber s Originaal nid umbedingt aabe, wil s überhaupt parodiert worde isch, isch d si Bedütig bestäätigt. Si cha sogar e Hommaasch für dr parodiert Geegestand si.

Nid jeedi Parodii het e konkrets Originaal. Mä cha au e Schaner as Ganzes parodiere, wemm män en liicht cha kenne. In dr Literaturtheorii isch d Parodii e spezifischi Form vom intertextuelle Schriibe.

Dr Parodii nooch verwandt si d Travestii, d Persiflaasche und s Pastisch. E bsundrigi Form vo dr Parodii isch s Cento. D „Batrachomyomachii“ (Froschmuuschrieg), wo vilmol im Homer zuegschriibe wird aber daatsächlig us em 1. Joorhundert v. d. Z. stammt, gältet as äini vo de früenste Parodie in dr oobeländische Litratuur. Din wärde under anderem d Chriegsszeene us dr Ilias parodiert.

Parodii und Satire[ändere | Quälltäxt bearbeite]

D Satire brucht vilmol parodistischi Verfaare. D Parodii und d Satire setze bäidi Ironii as Stilmiddel ii. Aber d Parodii, wie au s Pastisch, läbt vo iirer Bezieig zum Originaalteggst. S Pastisch bedoont drbi d Gmäinsamkäite und d Parodii d Underschiid. Im Geegesatz zur Parodii bezieht sich d Satire uf Elimänt usserhalb vo Teggst. Si wärtet au und s het din immer e Kritik an dr Gsellschaft.

Weblingg[ändere | Quälltäxt bearbeite]

Wikisource S dütschsprochig Wikisource hät Originaltegscht zum Thema „Parodie“.

Dä Artikel basiert uff ere fräie Übersetzig vum Artikel „Parodie“ vu de dütsche Wikipedia.

E Liste vu de Autore un Versione isch do z finde.