Oliver Gimber

Us der alemannische Wikipedia, der freie Dialäkt-Enzyklopedy
Dè Olli bi nèm Heimschpyl z Pforzè (2016)

Oliver „Olli“ Gimber (* 20. April 1963 z Pforzè)[1] isch èn dütschè Unternämmer, Komiker, Wèbvideo-Broduzènt un Bedriiber vom YouTube-Kanaal Witz vom Olli.

Läbbè[ändere | Quälltäxt bearbeite]

Nõch èm Bsuèch vo dè Hauptschuèl hèt dè Oliver Gimber Aafang vo dè 1980er Johr im Mòlerfachbedryb vo sinèrè Eltèrè è Uusbildung zum Mòler un Lackyrer. Als Mòler- un Lackyrermeischter hèt er 1992 d Gschäftsleitung vom elterlichè Bedryb übbernõ. Dè Gimber isch zuèdèm uusbildetè Raumdesigner un brüèftè Sachvoschtändigè für Schimmelpilzsanyrung. Er isch Eigèdümer von è baar Firmè.[2] Uffgrund vo sim bruèflichè Engagement dauft er sich sèlber èn Workaholic. Vill Wärt legt dè Gimber Oliver uff diè aalte Wärt wiè Püngtlichkeit un höflichi Aaschprõch vo dè Lüt. Ußerdèm unterschtützt er è baar soziali Brojèkt un dischtanzyrt sich vo Rassismus.

Oliver Gimber isch èn Vatter von èrè Döchter un läbbt z Pforzè.[1]

Wǜrkè als Witzvozèller[ändere | Quälltäxt bearbeite]

Als Witzvozèller hèt dè Olli im Septèmber 2015 dè YouTube-Kanaal Witz vom Olli ygrichtet. Voruusgangè isch d Aafrõg vo èm Fründ, wo z Neuseeland gsi isch, dè Olli söll ym per WhatsApp è baar vo ym vozellti Witz schickè. Sèllè Fründ hèt diè vom Olli sèlbscht gmachtè Videoclips in è Videoportal uègladè. Druffhy hèt dè Olli s Publizyrè vo sinè Witz sèlber ubbernõ. I sim Kanaal ladèt er pro Woch è baar Videos uè. In eim Video drait er jewyls ein Witz vor. Jedès Video wörd mit èrè Smartphone-Kamera uffgnõ, diè allermeischtè devò nimmt dè Olli im Auto uff. Mittlerwyl bruucht er au anderi Locations, um sini Witz mit èm Smartphone uffznää, z. B. s eigene Sofa odder bim Mitfaarè in èm Tourèwagè.

Witz-Quällè[ändere | Quälltäxt bearbeite]

Am Aafang vo sinèrè Witzvozèller-Karrièrè hèt dè Olli sich us sim eigenè Repertoire vo uugfäär 5000 Witz bediènt. Inzwǜschè chriègt er meischtens per E-Mail massèwys Witz-Vorschlääg zuègschickt, wo nèr i dè Clips, nadürlich mit dè Nennung vom Urhebber, mengmòl zum Beschtè git. I dè Kommentär vo sim YouTube-Kanaal git s au no è baar Witz-Vorschlääg zum Aaluègè.

Witz-Drèèbuèch[ändere | Quälltäxt bearbeite]

Èn Witz-Clip isch dramaturgisch immer glych uffbaut: Dè Olli leitet churz y un wyst im Witz è launigi, sèlbscht definyrti Kategory zuè. Denõch beschriibt er d Güètè vom Witz, ebbèso in èrè eigenè Kategory, z. B. Europäische Wältglasse, Ein Zwölfender des badischen Humors. Nõch dè Yfüürung chunnt dè Witz sèlber. Meischtens bricht er no vor dè Pointe in Glächter uus un klatscht mengmòl vor Begeischterung i d Händ. Am Ènd vom Witz widderholt er d Pointe un chriègt sich vor Lachè schyr nimmi iè. Bi Obberkracher chas èmòl vorchò, dass er schins Tränè lacht un sich sèlli us dè Augè wüscht. Witery Erkennungsmärkmòl vom Olli sin dè schräg nõch obbè uusgschtreckte Zeigefinger am Aafang un dè Pforzemer Dialèkt, wo im Südfränkischè odder gnauer im Mittelbaddischè zuègordnèt wörd.

Witz-Comedian[ändere | Quälltäxt bearbeite]

Oliver Gimber isch als Alleiunterhaalter mit sim Live-Brogramm vor allem im süddütschè Ruum tätig. Er drèttèt ußerdèmm in Radio- un Fèrnseesendungé sowiè im Raamèbrogramm vo großè Sportvoaaschtaltungè uff. Mengi Radiosender straalèd sini Witz regelmäßig als Yschpiller uus odder biètèd si als Podcast aa.[3] Dè Olli beschriibt s Brogramm bi sinè Stand-up-Comedy-Uffdritt mit èm Motto Blanlos durch di Nacht. Er beschtrittet bi nèm Uffdritt, wo uugfäär zwei Stund duèrèt, s komplette Brogramm oone Drèèbuèch un mit sim Repertoire vo übber 5000 Witz.

Voöffentlichungè[ändere | Quälltäxt bearbeite]

Weblinggs[ändere | Quälltäxt bearbeite]

 Commons: Oliver Gimber – Sammlig vo Multimediadateie

Einzelnõchwys[ändere | Quälltäxt bearbeite]

  1. 1,0 1,1 Meine Kunden lieben mich! abgruèfè am 14. Novembèr 2016
  2. www.o-plus-beratung.de (Memento vom 9. Juli 2017 im Internet Archive), abgruèfè am 14. Novembèr 2016
  3. SWR3 Comedy-Archiv, abgruèfè am 14. Novembèr 2016
Dä Artikel basiert uff ere fräie Übersetzig vu dere Version vum Artikel „Oliver_Gimber“ vu de dütsche Wikipedia. E Liste vu de Autore un Versione isch do z finde.