NEAT

Die neue Basisdunnel vo dr NEAT im europäische Schiineverbund

Die Neui Iisebahn-Alpedransversale (NEAT) isch e Grossprojekt vo dr Schwiiz, wo dr Iisebahn-Dransitverchehr in dr Nord-Süd-Richdig verbesseret. Mä hofft eso dr Schwerverchehr vo dr Strooss uf d Schiine z verlagere. D Abchürzig NEAT isch spöter vom sproochunabhängigen Name „AlpTransit“ abglöst worde. In dütschsproochige Ziitige isch d Bezeichnig „Neat“ aber immer no gebrüüchlig.

S Projekt schafft an dr Verbesserig vo zwei Verchehrsachse, dr Gotthard- und dr Lötschbärgachse. Dr Lötschbärg-Basisdunnel isch am 16. Juni 2007 in Bedriib gnoh worde. Dr Gotthard-Basisdunnel sött bis Dezämber 2017 fertig si und dr Ceneri-Basisdunnel 2019. D Gotthard-Süd-strecki wird neu baut und sött zsämme mit em Gotthard-Basisdunnel eröffnet wärde.