Michael Werner

Dr Michael Werner (* 1965 z Frankenthal) isch e dütsche Sproochwüsseschaftler und Publizist.

1993 het er s Michael-Werner-Archiv für pennsylfanisch-dütschi Litratuur z Ebertsheim (Pfalz) gründet. Er het z Manne studiert und 1993 si M.A.-These über franzöösischi Leenwörter im Pfälzische gschriibe. 1996 het er si Dokterthese über d Sprooch vo de pennsylfanie-dütsche Muetersproochler z Manne veröffentligt. Im gliiche Joor het er die pennsylfaanisch-dütschi Zitschrift Hiwwe wie Driwwe gründet, wo sit 1997 jedes Joor zwäimol im Druck uusechunnt und sit em Januar 2002 uf hiwwe-wie-driwwe.de im Internet verbräitet wird. Dr Michael Werner isch 2003 e Mitgründer vom Deutsch-Pennsylvanischer Arbeitskreis e. V. gsi und bis 2010 au dr Bresidänt und sithär dr Vizebresidänt. Sit 1998 isch er Schürimitgliid bim Pfälzische Mundartdichterwettstrit z Bockehäim.

Dr Michael Werner woont mit sinere Familie z Ober-Olm in dr Nööchi vo Mainz.

Dä Artikel basiert uff ere fräie Übersetzig vum Artikel „Michael_Werner“ vu de pensilfaniedütsche Wikipedia. E Liste vu de Autore un Versione isch do z finde.