Maximilian I. (HRR)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Maximilian I.
Heilige Römische Kaiser; Erzherzog vo Östriich, Herzog vo Burgund
Albrecht Dürer 084b.jpg
Portrait vom Albrecht Dürer, 1519 (Kunsthistorisches Museum, Wien).
Regierigsziit 1508 - 1519
Uf d Wält cho 22. März 1459
Geburtsort Wiener Neustadt, Östriich
Gstorbe 12. Januar 1519
Dodesort Wels
Begrabe Wiener Neustadt
Vorgänger Friedrich III.
Nochfolger Karl V.
Verhürotet mit Maria, Herzögin vo Burgund
Bianca Maria Sforza
Nochkomme Philip I. vo Kastilie Erzherzögin Margaret vo Östriich
Vater Friedrich III.
Mueter Eleanor vo Portugal

Dr Maximilian I. vo Habsburg (* 22. März 1459 z Wiener Neustadt; † 12. Januar 1519 z Wels, Oberöschtriich) isch vo 1508 bis zu siim Dod Kaiser vom Heilige Römische Riich gsi. Er het scho vorhär sit 1483 zsämme mit siim Vater, em Friedrich III., gregiert. Er het dr Iifluss vom Huus Habsburg mit Chrieg und Hürote vergrösseret, het aber im Gebiet vo dr hütige Schwiiz im Schwobechrieg die meiste habsburgische Bsitz an d Eidgenosseschaft verlore. Im Friide z Basel het er 1499 de Eidgenosse de facto Unabhängikeit vom Heilige Römische Riich zuegstande. Er isch e Humanist und Renaissancemensch gsi und het sich für Kunst, Literatur und Wüseschaft intressiert. Me sait em mänggisch noch, ass er "dr Letzt Ritter" gsi sii.