Martina Hingis

Martina Hingis

D Martina Hingis (*30. September 1980 z Kosice, Tschechoslowakei (höt Slowakei) als Martina Hingisova Molitor) esch e Schwizer Tennisspeleri ond ehemaligi Nr. 1 im Welttenniszerkus. Bisher het si 5 Grand Slam Tornier im Einzu ond 9 im Doppu chönne gwönne.

Besherigi Karrierebilanz

D Martina Hingis hed bes etz 40 Siig bi WTA-Tornier im Einzu gwonne, osserdem 36 mou im Doppu. Si hed ou füf Grand Slam Tornier im Einzu gwonne, daronder drü mou s Australian Open, einisch z Wimbledon ond einisch s US Open. Während 209 Woche esch d Martina Hingis zwösche 1997 ond 2001 a de Spetze vo de Tennis - Weltranglischte gstande. No emmer hautet si de Rekord, aus jöngschti Speleri met 16 Johr ond 3 Mönet es Grand Slam Tornier gwonne zha! Nachdem d Martina Hingis 2002 bereits met 22 Johr zrogtrete esch, hed si Afang 2006 es erfougrichs Comeback gäh ond hed sogar z Australian Open im Mixed gwonne!

Grand Slam Tetle

Einzu:

• 1997: Australian Open, Wimbledon ond d US Open
• 1998: Australian Open
• 1999: Australian Open

Doppu:

• 1996: Wimbledon mit Helena Sukova
• 1997: Australian Open met Natasha Zvereva
• 1998: Australian Open met Mirjana Lucic, die French Open, Wimbledon und die US-Open, alli met Jana Novotná
• 1999: Australian Open met Anna Kurnikowa
• 2000: French Open met Mary Pierce
• 2002: Australian Open met Anna Kurnikowa

Mixed:

• 2006: Australian Open met Mahesh Bhupathi

Weblink

 Allmänd (Commons): Martina Hingis – Sammlig vo witere Multimediadateie

• WTA-Profil vo Martina Hingis (änglisch)
• ITF-Profil vu Martina Hingis (änglisch)
• Fed-Cup-Statistik vo Martina Hingis (änglisch)
• Literatur vu un iber Martina Hingis im Katalog vu dr Dytsche Nationalbibliothek
• Martina Hingis – Étoile du tennis (französisch)