Ludwig Hillenbrand
Dr Ludwig Hillenbrand (* 28. Meerz 1939 z Offeburg-Fessebach) isch e dytsche Leerer un Dialäktautor.
Lääbe[ändere | Quälltäxt bearbeite]
Dr Hillenbrand isch e Suun vum August Hillenbrand, eme Beck un Gaschtwiirt, un däm syre Frau Hermine. S „Becke“ hän z Fessebach im Gaschthuus »Traube« gwiirtet. Är isch e Kusäng zue dr Brigitte Neidig.
No dr Schuel het dr Ludwig Hillenbrand vu 1958 bis 1963 z Fryburg un z Minche Germanischtik un Anglischtik studiert un isch derno anne 1965 Leerer fir Dytsch un Änglisch am Max-Planck-Gimnasium z Loor woore. Ab 1986 isch er bis zue syre Pänsionierig anne 2003 deert au Schueldiräkter gsii.
Scho in syre Juuged het dr Hillenbrand uf Alemannisch gschriibe, unter anderem Gediicht un Glosse. En Uuswahl het er in drei Biechli uusebroocht. Är isch Mitgliid vum Autorennetzwerk Ortenau un vu dr Muettersproch-Gsellschaft. Bim Dialäktwettbewäärb „s menschelet“ vu dr Muettersproch-Gsellschaft, dr Badische Zytig un em Sidweschtrundfunk anne 2010 het er in dr Kategori Lyrik mit em Gedicht „Sellerisalad“ en zweete Bryys gwunne.
Bim Dialäktwettbewäärb Loorer Murre isch er syter 2013 all Joor in dr Bryys-Jury gsii.
Dr Ludwig Hillenbrand isch ghyroote un het mit syre Frau Gudrun e Suhn un e Dochter. Si lääbe zäme z Loor.
Wäärch[ändere | Quälltäxt bearbeite]
- Des un sell. Iwwer s Alemannische un unseri Zit. Lahr Verlag, Lahr 2013
- Ha, so ebbs! Gschichtli, Gedichtli, Glosse in alemannischer Mundart. Lahr Verlag, Lahr 2012
- E Kindheit im Dorf - Erinnerunge an Fessebach. Lahr Verlag, Lahr 2016
- Alemannen-Rap. Uf dr CD: D´Gälfiäßler: ´s Gäle vom Ei. Gälfiäßler Verlag, Friesenheim
- Lohrerditsch. Gedicht. Uf dr CD ´s Lohrer Liäd. Hrsg.von der Stadt Lahr
- Mundartgedichte. In: Mechthilde Hurst: D´heim im Fessebach. Hrsg. von der Ortsverwaltung Offenburg-Fessenbach, 1992
- Turner-Denglisch. In: Alemannisch dunkt üs guet I/II 2008, S. 80/81
- Bad Bank. In: Alemannisch dunkt üs guet 1/2009, S. 66/67
- Gipfel. In: Alemannisch dunkt üs guet 1/2012, S. 60/61
Weblink[ändere | Quälltäxt bearbeite]
- dr Ludwig Hillenbrand uf dr Websyte vu dr Muettersproch-Gsellschaft
- dr Ludwig Hillenbrand bim Autorennetzwerk Ortenau
- dr Ludwig Hillenbrand uf LEO-BW.de
- Die Mundart liegt ihm am Herzen. Der gebürtige Fessenbacher Ludwig Hillenbrand wird 80, Baden Online, 28. Meerz 2019