Lincoln’s Inn Fields Theatre

Us der alemannische Wikipedia, der freie Dialäkt-Enzyklopedy
Hops zue: Navigation, Suech

51.515278-0.115278Koordinaten: 51° 30′ 55″ N, 0° 6′ 55″ W

Dr William Davenant het us em Lisle's Tennis Court 1661 e Theater gmacht

S Lincoln’s Inn Fields Theatre isch e Theater in Lincoln's Inn Fields z London grad bi dr Portugal Street gsi.

Gschicht[ändere | Quälltäxt bearbeite]

S Geböid isch ursprünglig as e Dennisblatz, dr Lisle's Tennis Court, baut worde. Zwäimol het mä s as e Schauspiilhuus brucht, s erste Mol vo 1661 bis 1674 und no äinisch zwüsche 1695 und 1705. In dr erste Periode het s "the Duke's Playhouse" (im Herzoog si Schauspiilhuus), oder "the Opera" (d Opere) ghäisse und d Drubbe vom William Davenant, wo s Geböid 1661 umbaut het, isch dört bis 1671 ufdräte, drei Joor noch em Davenant sim Dood.

S Geböid isch denn abgrisse worde und mä het an sim Blatz e richdigs Theatergeböid baut, wo 1714 eröffnet worde isch. 1728 isch dört im John Gay si The Beggar's Opera ufgfüert worde, won e Riiseerfolg gsi isch. Vo 1733 aa het d Opera of the Nobility, wo im Händel sinere zwäite Royal Academy of Music Konkurränz gmacht het, dört gspiilt, bis si 1737 bläite gmacht het.

S Geböid isch spööter as Kasärne, as Verstäigerigshuus und as Laagerhuus für Borzellaan brucht worde und mä het s 1848 abgrisse. An sim Blatz het s Royal College of Surgeons sini Gschäftsrüüm erwiteret.

S Lincoln’s Inn Fields Theatre isch s erste öffentlige Schauspiilhuus gsi, wo mä sis Szeenebild het chönne uswäggsle, was in dr Zit vo dr änglische Restaurazioon (vo öbbe 1660 bis 1700) in de Theater denn gang und gääb worde isch.

Dä Artikel basiert uff ere fräie Übersetzig vum Artikel „Lisle's_Tennis_Court“ vu de änglische Wikipedia.

E Liste vu de Autore un Versione isch do z finde.