Königsfrieden

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Köönigsfriide (au dr Friide vom Antalkidas noch em spartanische Verhandligsfüerer) isch 387/386 v. d. Z. zwüsche Sparta und sine Gegner abgschlosse worde und het im Korinthische Chrieg en Änd gmacht. S Perserriich under em Groossköönig Artaxerxes II. isch d Garantiimacht gsi. S Abkomme gältet as s früeste Bischbil von ere koiné eiréne, eme allgemäine Friide.

D Iniziative isch vo de Spartaner usgange, wo sit Joore in e Chrieg mit de Perser und au mit e baar griechische Poleis verstrickt gsi isch, wo äini drvo Athen gsi isch, wo noch em Peloponnesische Chrieg wider an Macht gwunne het. Es isch drbii um d Idee vom ene allgemäine Friide gange, wo de ewige Kämpf im Mueterland en Änd hätt sölle mache. Vor allem isch Sparta dra intressiert gsi, wil si draa gsi isch, iiri Ressurse z erschöpfe.

Dr Antalkidas het im Winter 388/387 v. d. Z. mit em persische Groossköönig Artaxerxes II., wo d Macht über die griechische Stedt in Chläiasie zruggüberchoo, afo verhandle. Denn het e spartanisch-persischi Flotte dr Hellespont und dr Haafe vo Piräus blockiert, so dass Athen iiri Bedingige het müesse aanee.

Im Joor 387 het mä denn in Sardes dr so genannt Köönigsfriide verkündet, wo mit em Chläiasie und Züpere wider de Perser ghöört häi und die andere griechische Stedt autonom hätte sölle wärde usser Lemnos, Imbros und Skyros, wo athenischi Kleruchie hätte sölle si, wie in alte Zite.

Dä Friide isch im Joor druf, 386 v. d. Z. z Sparta beschwore worde. Mit em isch au dr Böotisch Bund, wo vo Theebe aagfüert worde isch, ufglööst worde und au dr Synoikismos zwüsche Korinth und dr Erzriwalin vo Sparta Argos. Sparta het d Rolle vom Schiidsrichter welle übernee, scho bald isch si an d Gränze vo iirer Macht choo.

De Spartaner het mä vorgworfe, ass si die chläiasiatischen Grieche an d Perser verroote häige und eso s Brinzip vo dr Autonomii, wo si wägen em im Peloponnesische Chrieg gege Athen und si Seebund kämpft häi. Dr Friide het denn d koiné eiréne nit brocht, wie mä ghofft ghaa het. Spööter het sich dr Philipp II. vo Makedonie uf d Idee vom allgemäine Friide gstützt, zum si Expansionspolitik z rächtfertige.

Litratuur[ändere | Quälltäxt bearbeite]

  • Karl-Wilhelm Welwei: Das klassische Athen. Demokratie und Machtpolitik im 5. und 4. Jahrhundert. Primus-Verlag, Darmstadt 1999, ISBN 3-89678-117-0, S. 274ff. mit den dortigen Verweisen.
  • Hermann Bengtson: Griechische Geschichte von den Anfängen bis in die römische Kaiserzeit. 5. durchgesehene und ergänzte Auflage. Beck, Münche 1977, ISBN 3-406-06660-7, S. 269ff. (Handbuch der Altertumswissenschaft Abt. 3, 4).

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Königsfrieden“ vu de dütsche Wikipedia.

E Liste vu de Autore un Versione isch do z finde.