Jordanus Nemorarius

Dr Jordanus Nemorarius (au Jordanus de Nemore) isch e Mathematiker und Mechaniker im früeje 13. Joorhundert gsi.

Lääbe und Wärk

Wenn er uf d Wält cho und gstorbe isch, wäiss mä nit genau, nume ass er in dr erste Helfti vom 13. Joorhundert gschafft het. Im Katalog Biblionomia vom Richard de Fournival us Amiens us dr Zit vo 1246 bis 1260 si zwölf vo sine Wärk ufgfüert: Philotegni (De triangulis), De ratione ponderum, De ponderum proportione, De quadratura circuli, Practica (Algorismus), Practica de minutiis, Experimenta super algebra, Arithmetica, De numeris datis, Quedam experimenta super progressione numerorum, Liber de proportionibus, Suppletiones plane spere. Dr Jordanus het über Arithmetik, Algebra, Geometrii und Astronomii gschriibe und sini Wärk si bis ins 17. Joorhundert brucht worde. In sim Hauptwärk, em Liber de numeris datis, erkläärt er under anderem d Löösig vo kwadratische Gliichige mit ere Methode, wo äänlig isch wie die vom al-Khwarizmi, aber en allgemäineri Form het, wil do zum erste Mol Buechstabesümbol konkreti Zaale ersetze.

Au in dr Mechanik het er Bedütends gläistet. Er het as erste d Statik vo Gwicht uf ere schiefe Eebeni richdig beschriibe und au s Brinzip vo dr Virtuelle Arbit, won er über e Hebel gschriibe het.

Litratuur

Edward Grant Jordanus de Nemore, in Dictionary of Scientific Biography
H. L. L. Busard, Jordanus de Nemore, 'De elementis arithmetice artis' : A medieval treatise on number theory. Parts I, II , Stuttgart, 1991
Moritz Cantor, Franz Stanonik: Jordanus Nemorarius. In: Allgemeine Deutsche Biographie (ADB). Band 14, Duncker & Humblot, Leipzig 1881, S. 501–504.
Marshall Clagett, Archimedes in the Middle Ages, Madison, Wis., 1964
B. B. Hughes, Jordanus de Nemore, De numeris datis, Berkeley-Los Angeles-London, 1981
E. A. Moody und M. Clagett (Hrsg.), The medieval science of weights (Scientia de ponderibus), Treatises ascribed to Euclid, Archimedes, Thabit ibn Qurra, Jordanus de Nemore, and Blasius of Parma, Madison, Wis., 1952
Jens Hoyrup Jordanus de Nemore, 13th Century Mathematical Innovator, Archive for History of Exact Science, Band 38, 1988, S. 307-363.
Jens Hoyrup Jordanus de Nemore: a case study on 13th century mathematical innovation and failure in cultural context, Philosophica, Band 42, 1988, S. 43-77
Pierre Duhem, Artikel in Catholic Encyclopedia 1911

Weblingg

Internetfaksimile eines Drucks der Elementa super demonstrationem ponderum von 1565
Jordanus Nemorarius. In: MacTutor History of Mathematics archive. (änglisch)

Dä Artikel basiert uff ere fräie Übersetzig vum Artikel „Jordanus_Nemoranius“ vu de dütsche Wikipedia. E Liste vu de Autore un Versione isch do z finde.