Johann Reinhold Forster

Dr Johann Reinhold Forster (* 22. Oktober 1729 z Dirschau, (Königlich Pröisse); † 9. Dezämber 1798 z Halle a.d. Saale) isch e vilsitig gebildete dütsche Naturwüsseschaftler und Entdecker in dr Zit vo dr Ufkläärig gsi. Er het au wichdigi Biidrääg zur Ethnologii gmacht. Si offiziells botanischs Autorekürzel isch „J.R.Forst.“.

Lääbe

Dr Forster het an dr Uniwersidäät Halle studiert, isch in dr Gmäind Hochzeit evangelische Pastor gsi, het vo 1765 aa die dütsche Wolgakoloniste und d Gebiet vo de Kolonie erforscht, isch won er im Mai 1766 si Pastoreboste verloore het zrugg uf Dütschland und denn uf Ängland.

Wo dr Joseph Banks churz vor dr zwäite Südsee-Räis vom James Cook abgsäit het, isch dr Forster vo dr Admiralidäät als offizielle wüsseschaftlige Begläiter engaschiert worde. Är und si Soon Georg häi Daagebüecher gfüert, en ethnografischi und naturkundligi Sammlig aagläit und dr Georg het Hunderti vo Zäichnige gmacht. Mit dr Veröffentligung häi si en internazionale Ruef überchoo, si aber finanziell strapaziert bliibe und häi iiri Sammlig Stück für Stück müesse verchaufe. Dr Herzog Ferdinand vo Braunschweig het e Sammlig under de Freimuurer veraastaltet und d Familie het iiri Schulde chönne abzaale. Dr Forster isch im Novämber 1779 Brofässer für Naturkund und Mineralieforschig an dr Uniwersidäät Halle worde. Er het bis zu sim Dood im Joor 1798 z Halle gläbt und isch dört uf em Stadtgottesacker im Boge 44 begraabe worde.

Literatur

Alfred Dove: Forster, Reinhold. In: Allgemeine Deutsche Biographie (ADB). Band 7, Duncker & Humblot, Leipzig 1877, S. 166–172.
Michael E. Hoare: The Tactless Philosopher, Johann Reinhold Forster (1729-1798). Hawthorn Press, Melbourne 1975, ISBN 0-7256-0121-3
Gerhard Steiner: Forster, Reinhold. In: Neue Deutsche Biographie (NDB). Band 5, Duncker & Humblot, Berlin 1961, ISBN 3-428-00186-9, S. 301.
Georg Forster: Johann Reinholds Forster’s Reise um die Welt während den Jahren 1772 bis 1775 ,
- Erster Band, Berlin 1778, Digitalisat und Volltext im Deutschen Textarchiv, ISBN 978-3-941919-43-3,
- Zweiter Band, 1780, Digitalisat und Volltext im Deutschen Textarchiv, E-Book, ISBN 978-3-941919-44-0.

Weblingg

Johann Reinhold Forster im dütschsprochige Wikisource

Autoryydrag un Lischt vu dr bschribene Pflanzenämme fir Johann Reinhold Forster bim IPNI
http://www.jstor.org/pss/3995408?cookieSet=1

Dä Artikel basiert uff ere fräie Übersetzig vum Artikel „Johann Reinhold Forster“ vu de dütsche Wikipedia. E Liste vu de Autore un Versione isch Reinhold Forster&action=history do z finde.