Infrarootstraalig

Us der alemannische Wikipedia, der freie Dialäkt-Enzyklopedy

As Infrarootstraalig (churz IR-Straalig, au Ultrarootstraalig) bezäichnet mä in dr Füsik elektromagnetischi Wälle im Spektralberiich zwüschen em sichtbare Liecht und dr lengerwällige Terahärzstraalig. As Infraroot wird dr Spektralberiich zwüsche 10−3 m und 7,8×10−7 m (1 mm und 780 nm) bezäichnet, was em Frekwänzberiich vo 3×1011 Hz bis öbbe 4×1014 Hz (300 GHz bis 400 THz) entspricht.

E Baum vor em Lehmbruggmuseum z Duisburg (Ufnaam vom sichtbare Spektralberiich)
S gliiche Motiv fotografiert mit Hilf vom ene IR-Transmissionsfilter (Powershot A70 + Hoya 780), wo nume Infraroot im Beriich vo 700–1000 nm duureloot.

Iidäilig[ändere | Quälltäxt bearbeite]

Dr Infrarootberiich wird in meereri Underberiich iidäiltL:

Iidäilig vo dr Infrarootstraalig noch DIN 5031
Naame Churzzäiche Wällelengi
in μm
Tämpratuur
noch em Wien
Iisatzberiich/Notize
noochs Infraroot NIR IR-A 0,78…1,4 über 3700 K
  • dr churzwällig Däil vom NIR-Beriich, 780-nm-Gränze wil dr Sesinn vom Mensch em Sunnespektrum aabasst isch.
  • s photographische Infraroot (ColorInfraRed, CIR) lit bi 0,7 bis 1,0 µm: Fotografische Film cha dä Wälleberiich ufnee.
IR-B 1,4…3,0
  • dr langwällig Däil vom NIR-Beriich
  • d Gränze isch wäge dr Wasserabsorpzioon bi 1450 nm festgläit.
middlers Infraroot MIR IR-C 3…50 1000…60 K
  • dr Beriich vo dr thermische Straalig bi irdische Tämpratuure
färns Infraroot FIR 50…1000 bis 3 K
  • D Atmosfääre absorbiert doo stark, an dr Gränze zum Mikrowälleberiich wird grad no die kosmischi 3-Kelvin-Straalig sichtbar.

Infrarootkwelle[ändere | Quälltäxt bearbeite]

Infrarootliechtlampe für medizinischi Zwäck

In dr Umgangssprooch wird d Infrarootstraalig vilmol mit dr Wermistraalig gliichgsetzt, au wenn au Mikrowälle und sichtbars Liecht und nid nume dr elektromagnetischi Spektralberiich wo ufwermt drzueghööre. Bräitbandigi IR-Kwelle si thermischi Straaler wie Glüelampe und Häizstraaler. Underschidligi Infrarootstraaler si entwigglet worde für die verschidnige Aawändige vo dr Infrarootstraalig, wie zum Bischbil Globar und Nernst-Stift.

Aawändige[ändere | Quälltäxt bearbeite]

E baar vo de Aawändigsgebiet si:

  • Häize: Bi alle Brozäss, wo Wermienergii frei wird wie bim Füür, bi Glüelampe oder bi Motor, isch e Däil drvo Infrarootstraalig, aber die mäisti Energii goot uf s Ufwerme vo dr Luft. Bi Infrarootstraaler isch dr Däil vo dr diräkte Infrarootstraalig hööcher.
  • Chemischi Analütik und Verfaarestechnik: Mit Infrarootstraalig wärde Molekül zu Schwingige und Rotazione aagregt. Mä misst denn, weli Wällelengen absorbiert wärde und cha eso Hiiwiis uf d Struktur vo dr Substanz überchoo.
  • Kunstwüsseschaft: Mit dr Infrarootreflektografii cha mä Bilder undersueche und entdegge, was under dr oberste Farbschicht lit, ooni em Bild z schaade.
  • Infrarootastronomii: Si beobachdet „chüeli“ Objekt (chelter as 1000 K), wo mä in andere Spektralberiich kuum cha gsee, oder Objekt, wo in oder hinder ere interstellare Wulke lige.
  • Elektronik und Kompiutertechnik: Straalig im nooche Infraroot (880 bis 950 nm Wällelengi) wird für Färnbedienige, Optokuppler und Liechtschranke iigsetzt. Bi Liechtwälleläiter brucht mä e Wällelengi vo 1550 nm. Mit Wermibildsensore cha mä Beweegige vo Infrarootstraaligskwelle wie Mensche und Dier aber au Maschiine verfolge.
  • Fotigrafii: Mit Infrotootdistanzmässer chönne Fotiapparäät automatisch dr Fokus iistelle. Mit Hilf vo dr Thermografii cha mä Wermibilder mache, zum Bischbil vo Geböid für Kwalidäätssicherig und zum Wermibrugge und Wermiverlust z entdegge.
  • Biogeografii: Wil grüeni Pflanze Infroroot besser reflektiere as d Umgääbig, cha mä mit Fotografie im Infraroot und im sichtbaare Liecht d Vegetazioon vom ene Gebiet undersueche.
  • Medizin: Häizlampe straale im Infrarot und si scho sit langem für medizinischi Zwäck iigsetzt worde.
E Nachtsichtgräät, wo am Helm vom ene amerikanische Soldat vo dr 2. Stryker-Brigade befestigt isch.
  • Bolizei und Milidär: Mit Nachtsichtgräät, wo infrarooti Straalig versterke, chönne vor allem d Bolizei und s Milidäär au in dr Nacht aktiv si.
  • Materialbearbäitig: In dr Industrii wird Infraroot brucht, zum Material wie Metall usherte, und anderi Material wie Kunststoff wäich mache, verschwäisse beschrifte und schniide.

Litratuur[ändere | Quälltäxt bearbeite]

  • S1-Leitlinie Arbeit unter Einwirkung von Infrarotstrahlung (Wärmestrahlung) – Gefährdungen und Schädigungen von Augen und Haut der Deutschen Gesellschaft für Arbeitsmedizin und Umweltmedizin (DGAUM). In: AWMF online (Stand 2012)

Weblingg[ändere | Quälltäxt bearbeite]

 Commons: Infrarootstraalig – Sammlig vo Multimediadateie


Dä Artikel basiert uff ere fräie Übersetzig vum Artikel „Infrarotstrahlung“ vu de dütsche Wikipedia. E Liste vu de Autore un Versione isch do z finde.