Radiowelle

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Modulierig von ere Dräägerwälle: Bi AM (Amplituudemodulazioon) wird mit em Signal d Amplituude vo dr Dräägerwälle modifiziert, bi FM (Frekwänzmodulazioon) iiri Frekwänz. D Frekwänz vo dr Dräägerwälle isch immer seer vil hööcher as die vom Signal.

Radiowälle si elektromagnetischi Wälle mit ere Wällelemgi vo zwüsche 10 Santimeter und 100 Kilometer und eme Frekwänzberiich von e baar Kilohärtz (Lengstwälle) bis zu öbbe 3 Gigahärtz – wo sich denn dr Radar- und dr Mikrowälle-Beriich chömme.[1] Dr Ursprung vo Radiowälle cha natürlig oder technisch si. Ooni technischi Hilfsmiddel (z. B. Empfänger) cha mä sä nit noochwiise, wil si usserhalb vom menschlige Woornäämigsberiich lige.

Technischi Radiowälle[ändere | Quälltäxt bearbeite]

D Frekwänze vom elektromagnetische Spektrum, wo technisch usgnützt wärde, gönge über d Langwälle bis zur Terahärtzstraalig. Für wie si brucht wärde gits internazionali Überiikomme.

Funk- bzw. Radiowälle wärde für die läitigsloosi Überdräägig vo Sprooch, Bilder und andere Daate wie Zitzäiche verwändet, und für s Radio und Färnsee, für d Ortig (Radar) und Nawigazioon (GPS, Funkpäilig).

D Informazioon wo söll überdräit wärde, wird bi dr Noochrichdeüberdräägig uf e Dräägerwälle druf moduliert und vo dr Sänderantenne usgsändet. In dr Empfängerantenne wärde dur d Radiowälle Schwingige vo dr gliiche Art induziert, die wärde versterkt und d Informazioon wird wider demoduliert.

Radiowälle wärde au iigsetzt zum Warmmache (Dröchne, Usherte, therapöitischi Zwäck, Mikrowällehärd).

Radiowälle in dr Natur[ändere | Quälltäxt bearbeite]

D Radiowälle us em Wältall wärde in dr Radioastronomii undersuecht. Mä kennt z. B. d Straalig vom freije Wasserstoff in dr Milchstrooss bin ere Wällelengi vo 21 cm. Anderi wichdigi Frekwänze stamme vo Riisestärn, vo Pulsar, vo sogenannte aktive Galaxie und Kwasar.

Blitz erzüüge starki Radiowälle, und die cha mä bruuche, zum sä z orte und sonigi atmosfäärischi Stöörige chönne dr Radioempfang verschlächdere.

Weblingg[ändere | Quälltäxt bearbeite]

 Allmänd (Commons): Radiowellen – Sammlig vo witere Multimediadateie

Fuessnoote[ändere | Quälltäxt bearbeite]

  1. Spektrum - Radiowellen – Site bi LEIFIphysik (Abgrüeft am: 3. Juli 2012).
Dä Artikel basiert uff ere fräie Übersetzig vum Artikel „Radiowelle“ vu de dütsche Wikipedia.

E Liste vu de Autore un Versione isch do z finde.