Himalia (Mond)
|
Dä Artikel beschäftigt sich mitem Mond Himalia vum Planet Jupiter, anderi Bedütige vu dem Begriff findener under Himalia |
| VI Himalia | |
|---|---|
| |
| Dr Jupitermond Himalia, ufgnumme vu dr Rümsonde Cassini-Huygens am 19. Dezember 2000 | |
| Zentralchörper | Jupiter |
| Eigeschafte vum Orbit | |
| Grossi Halbax | 11.461.000 km |
| Periapsis | 9.601.000 km |
| Apoapsis | 13.321.000 km |
| Exzentrizität | 0,1623 |
| Bahnneigig | 27,496° |
| Umlaufzitt | 250,56 Däg |
| Middleri Orbitalgschwindigkeit | 3,30 km/s |
| Physikalischi Eigeschafte | |
| Albedo | 0,04 |
| Schinbari Helligkeit | 14,62 mag |
| Middlerer Durchmesser | 170 km |
| Masse | 6,7 × 1018 kg |
| Middlere Dichti | 2,6 g/cm³ |
| Siderischi Rotation | 0,3242 |
| Fallbeschlünigung an dr Oberflächi | 0,062 m/s² |
| Fluchtgschwindigkeit | ≈ 102 m/s |
| Entdeckig | |
| Entdecker | C. D. Perrine |
| Datum vu dr Entdeckig | 3. Dezember 1904 |
| Dialäkt: Markgräflerisch (Ebringe) |
D' Himalia (Jupiter VI) isch dr gröscht vu dr ussere Mönd vum Planet Jupiter, aber gegeniber eme galileische Jupitermond noch immer rächt winzig.
Entdeckig
[ändere | Quälltäxt bearbeite]D'Himalia isch am 3. Dezember 1904 vum Astronom Charles Dillon Perrine am Lick Observatorium (San Jose, Kalifornie) entdeckt worre.
Daift worre isch dr Mond uf dr Namme vu dr Nymphe Himalia, ere Gliebte vum Zeus us dr grichische Mythologi. Dr offiziell Namme isch erscht 1975 vergä worre, vorcher isch d'Himalia as Jupitermond VI bezeichnet worre.
Bahndate
[ändere | Quälltäxt bearbeite]D'Himalia umchreist dr Jupiter ime middlere Abstand vu 11.461.000 km in 250 Däg, 13 Stund un 35 Minute. D'Bahn wiist e Exzentrizität vu 0,1623 uf un isch mit 27,496° starch gegeniber dr Äquatorebeni vum Jupiter gneigt.
D'Himalia isch d'Nammensgäberi un zuegliich s'gröscht Mitglid vu ere Gruppe vu Mönd, wo sich uf ähnliche Bahne um dr Jupiter bewege. Zue dr Himalia-Gruppe ghöre d'Mönd Leda, Himalia, Lysithea, Elara un S/2000 J 11.
Physikalischi Date
[ändere | Quälltäxt bearbeite]D'Himalia besitzt e middlere Durmesser vu 170 km. Ihri Dichte isch mit 2,6 g/cm3 relativ hoch, sofern d'Hiwiis stimme, dass si iberwigend us silikatischem Gstai ufbaut isch. Si wiist e sehr dunkli Oberflächi mit ere Albedo vu 0,04 uf, d. h., numme 4 % vum igstrahlte Sunneliecht werre reflekteert. In 7 Stund un 47 Minute rotiert si um die aige Ax.
Am 19. Dezember 2000 het d'Ruumsonde Cassini Ufnahme vu dr Himalia zue dr Erde gsendet, wo si dr Jupiter uf ihrem Wäg zum Saturn passiert het. Wil sälli us grosser Entfernig gmacht worre sin, sin keini Einzelhaite uf ihrer Oberflächi erchennbar.
Weblink
[ändere | Quälltäxt bearbeite]- Publications of the Astronomical Society of the Pacific, 17 (1905) 22 (Mitdailig vum Lick Observatoriums iber d'Entdeckig)
- Astronomical Journal, 24 (1905) 154B
- Harvard College Observatory Bulletin, 173 (1905) 1
- Harvard College Observatory Bulletin, 175 (1905) 1
- Astronomischr Nachrichten, 169 (1905) 43/44
- F. Pilcher, S. Mottola, T. Denk (2012): Photometric lightcurve and rotation period of Himalia (Jupiter VI). Icarus 219, 741-742. (Bestimmung von der Rotationsperiod)
|
Dä Artikel basiert uff ere fräie Übersetzig vum Artikel „Himalia_(Mond)“ vu de dütsche Wikipedia. E Liste vu de Autore un Versione isch do z finde. |