Hilfe:Suche

Us der alemannische Wikipedia, der freie Dialäkt-Enzyklopedy
Hops zue: Navigation, Suech

'S git verschydeni Mögligkeite, bi de Wikipedia öbbis z finde. Dä Artikel soll e Überblick ge.

Wikipedia-Süech[ändere | Quälltäxt bearbeite]

S Süechfäld.

Wenn dr d Artikel durchsüeche wottsch, no gisch im Ygabefäld uff de linke Site (lüeg Bild).

Dört cha mer s Wort yge, wo mer süecht, und druckt deno d Ygab-Taste oder de Chnopf "Artikel". Im beste Fall landet mer diräkt bim glychnamige Artikel.

De Chnopf mit de Uffschrift "Suech" zeigt aber alli Artikel a, wo dy Begriff dinne vorchunnt. Sälli Süechfunktion findsch au uff de Site Artikelsüech.

Hywys zur Benutzig vom „Suech“-Chaste[ändere | Quälltäxt bearbeite]

E baar Hywys zur Benutzig vom „Suech“-Chaste uff jeder Wikipedia-Site:

  • Du müesch de Hochdütsch Begriff yge! Uff de Alemannische Wikipedia sin alli Site under em hochdütsche Titel gspeichert, do's ansunschte wäge de vyle verschydene Schrybige zu Broblem fiehre dät.
  • 'S müeß mindestens ei Süechbegriff ha. S werre alli Site usge, wo mindestens eine vo de Süechbegriff exakt widdergän. Wë mer kei Ergebniss kriegt, no sott mer briefe, ob alles richtig gschrybe worre isch. Deilwörter werre nit als Ergebnis azeigt: d Süech noch "Tüllingen" zeigt keini Artikel a, wo numme s Wort "Lörrach-Tüllingen" enthalte.
  • Vermyd churzi und gebrüchligi Wörter. Wenn dr Stoppwörter ygisch (z.B. der, ein, mehr, über, wann, ...), no fiehrt sälll zu keinem Ergebnis und belastet numme d Süechmaschine unnötig.
  • D Süechfunktion underscheidet (anderscht wie d Gleicher und d Vorlage) kei Groß- und Chleischrybig.

Hywyse, wie d Süech bräzisiert werre cha[ändere | Quälltäxt bearbeite]

  • Numme de Hauptnamesruum wird standardmäßig durchsüecht. Site, wo de Titel Wikipedia:, Benutzer: oder Diskussion dinne isch, werre standardmäßig nit durchsüecht. Über si erwiterti Süech unde uff de Site mit de Süechergebniss cha mer aber au anderi Namesrüm durchsüeche.
  • Di Booleschi Süech isch möglig (Süech mit logischer Verchnüpfig vo de Süechwörter). Mit Wörter wie AND (und), OR (oder) und NOT (nit) und durch Chlammerig chönne kombläxeri Süechafroge gstellt werre. Wenn nüt age wird, no isch s OR d Standardystellig.
    E Süech noch Hahn NOT Wasser liefert zum Bispyl alli Site, wo s Wort "Hahn", aber nit s Wort "Wasser" enthalte. D Süechi noch Wurzel AND (Stengel OR Stängel) zeigt alli Artikel a, wo nit numme s Wort "Wurzel", sondern au eins vo de Wörter "Stengel"/"Stängel" enthalte.
  • E * als Blatzhalter für e beliebigs Zeiche cha verwändet werre. Sälle * cha am Afang oder am Änd vo de Ygab stoh; Sperr* zeigt zum Bispyl alli Site a, wo mit Sperr afange (wie Sperrmüll etc.)

Integration vo de Süechfunktion in s Internetprogramm[ändere | Quälltäxt bearbeite]

'S git verschydeni Mögligkeite, wie mer d Wikipedia-Süech in underschydligi Internetprogramm (Browser) integriere cha. Lüeg dodezüe Browser-Understützig.

Lüeg au[ändere | Quälltäxt bearbeite]

Mit extärne Süechmaschine d Wikipedia durelüege[ändere | Quälltäxt bearbeite]

Wenn de Dienschträchner z stark belastet wird, no cha zitwis di Wikipedia-interni Süech deaktiviert werre. Deno chasch mit extärne Süechmaschine wie em Google in de Wikipedia-Site z süeche. De Chnopf Artikel funktionert degege immer. D Süech mit extärne Süechmaschine hät de Vordeil, dass sälli in allne Namesrüm süeche und d Stoppwörter ignoriere. 'S cha aber bassiere, dass d Ergebniss nümmi aktuäll sin.

Alphabetische Index und Züefallsartikel[ändere | Quälltäxt bearbeite]

Als Gsamtübersicht git's de Alphabetisch Index:

0–9 - A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z

Wë mer eifach numme stöbere wott, no cha mer dodezüe d Funktion Züefällige Artikel neh, wo deno irgendeine vo de 16.710 Artikel uffmacht.

Thematische Ystyg[ändere | Quälltäxt bearbeite]

Wer sich e Überblick über e Thema oder Themegebiet verschaffe wott, dä cha säll uff (mindestens) vier verschydeni Arte mache:

  1. Mer lyst sich de Hauptartikel dure, wo mer nit numme e inhaltlige Überblick, sondern durch di interne Verwys au zu andere relevante Wikipedia-Artikel fiehrt. No-n-emol e Fingerzeigt git's, wë mer d Schaltflächi Was linkt da ane?. Eso cha mer sich azeige lo, vo welle andere Wikipedia-Artikel uff dä Artikel verwyse worre isch.
  2. Mer wählt de Ystyg über eins vo de Portäl. Portäl werre vo engagierte Wikipedianer betreut und biete erschtens e Uswahl vo de wichtigste Artikel zu me Thema und oft au e Blattform für d Mitarbet. 'S chönne zum Bispyl bi de meiste Portäl Artikel vermerkt werre, wo no fehle oder wo überarbeitet werre mien. E Überblick über alli Portäl git d Kategory:Portal. Si wird automatisch generiert und enthaltet alli Portäl, wo eso kategorisiert worre sin.
  3. Mer cha sich e Kategory alüege. D Kategoryesite werre automatisch generiert. Si liste alli Artikel alphabetisch uff, wo im Momänt in d Kategory ygordnet sin. D Kategorisierig sälber bassiert manuäll. Als Ystygspunkt in sälli Struktur cha mer d Hauptkategory neh.
  4. Mer lüegt sich e Liste zum Thema a und nutzt si zur Navigation. D Liste werre manuäll pflägt und sin oft in de Hauptartikel vergleicht. E Überblick über alli Liste git d Kategory:Wikipedia:NurListe, wo automatisch generiert wird.