Hilf:Letschti Änderige

Us der alemannische Wikipedia, der freie Dialäkt-Enzyklopedy

D'Sitte Letschti Änderige zeigt aa, wèr zletscht an welle Artikel öbbis gändert hät. Standard isch, dass si nùme di letschte fufzig Änderige aazeigt, was abber au ìn de pèrsöönlige Iistellige gändert werre cha, wè'mer e aagmäldete Nùtzer isch. Dört gìt's au d'Option „Erwitterti Daarstellig“. Wè'mer säll aawählt, no werre einem mehreri Änderige an de gliiche Sitte zù einer Zile zämmegfasst ùn e detaillierti Aasicht wird nùme aazeigt, wè'mer ìn de letschte Änderige ùf de blau Pfiil drùckt. D'Funktion bruucht JavaScript ùn stoht ùf ältere Internetbrogramm nìt zùr Verfiegig.

Aazeig vù de Größeänderige

Mer cha allewiil ùn ùf jeeder Sitte obe odder ùnde ùf „Letschti Änderige“ drùcke gò sich d'Liste vù de letschte Änderige aazeige loo. Wenn ùf Nöji Änderige ab ... zeige klìcksch, no werre nùme Änderige sitt sällem Zittpunkt aazeigt (allerdings nùme so viil, wie duu lutt Iistellige wottsch aazeigt haa).

De Büechstabe N stoht fǜr nöi aaglegti Artikel. S K markiert „chleini“ Änderige, s B sonigi vù me-ne Bot. Au sälli Änderige chönne ussbländet werre. Usegfiltert werre chönne au d'Artikel, wùù no ungsichteti odder unpatrouillierti Vèrsione hän.

Ùf de Titel vùm gänderte Artikel folgt e Größeänderig ìn Byte. Sälli wird fätt aazeigt, wenn sich d'Änderig ùf meh wie 500 Byte belaufe hät.

Obe ùf de Sitte hät's Schaltfläche, wùù s Schaffe bi de Wikipedia chönne erliichtere (Ammanne chönne si ùf Mediawiki:Recentchangestext ändere). Sällewääg findet d'Sitte mìt de letschte Änderige bsunders bi de Autore/Redakteur vù de Wikipedia Aawändig.

Underschììd – Vèrsione[ändere | Quälltäxt bearbeite]

  • Wè'mer ùf d'Schaltflächi Underschììd drùckt, no werre d'Änderige vù me-ne Nùtzer, also de Underschììd zù de letschte Version, aazeigt.
  • Vèrsione fiehrt zù de Vèrsioonsgschicht, also zù de alphabeetische Ùflistig vù de Änderige ùn Vèrsione vùm Artikel.