Ghain (Arabischer Buchstabe)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Ghain in isolierter Form

Ġayn oder Ġain ( غين ) isch dr 19. Buechschtabe vom arabischen Alphabet. Als Zahl hets dr Wärt 1000.

Gschicht[ändere | Quälltäxt bearbeite]

S Ghain chunnt nit wie die meischten arabische Buechschtabe diräkt vom phönizischen Alphabet. S Arabisch het urschbrünglig keini diakritische Zeiche kennt, und denn isch s Ghain wie s Ain gschribe worde. Erscht schböter isch dr diakritisch Punkt drzue cho um s vom Ain z underscheide.

Lut und Umschrift[ändere | Quälltäxt bearbeite]

S Ghain stoot für de stimmhafte velare Frikativ (IPA: /ɣ/) un entspricht ungfähr em „Zäpfli-R“ vom Basldytsch oder vo dr neuhochdütsche Schtandarduussproch, wird aber e weng wyter vorne im Mund usgsproche. S isch dütlich andersch als s „Zungen-R“ wo im Arabische mit emä Ra gschribe wird. Umschribe wird s mänggisch as „g“ mit emä Punkt druf (DMG: ġ) oder aber als „gh“ und seltniger i französische Transkription au as „rh“.

Unicode[ändere | Quälltäxt bearbeite]

Unicode Codepoint U+063A
Unicode-Name ARABIC LETTER GHAIN
HTML غ
ISO 8859-6 0xda