Ñef (Osmanischer Buchstabe)
Us der alemannische Wikipedia, der freie Dialäkt-Enzyklopedy
Ñef in isolierter Form
Ñef isch e Buechstab im osmanisch-türkische Alphabet gsi, wo bis 1928 verwendet worre isch, wu nit zum hocharabische Alphabet ghert het. Er isch zuesätzlich zue de vier Persische Buechstabe (Pe, Tche, Zhe und Gaf) igfiert worre, um de velare n-Lout (in de turkologische Umschrift mit ñ bezeichnet, (IPA: [ŋ]) schriibe z kinne. S Ñef wird wie e Kaf gschribe, aber mit drey Punkte driber. S het kei Zahlewert.
In osmanische Texte findet sich s Ñef selte. Wie bim Gef sind d diakritische Zeiche efters wegglue un de ñ-Lout mitem Kef wiidergebe worre.
Bi de Umstellung uff d latynisch Schrift 1928 isch d Unterscheidung zwische velarem ñ un normalem (dentalem) n verlore gonge, wil s ñ im İstanbuler Dialekt, wue Massschtab gsi isch, nit exischtiert het.
[ändere] Ñef in Unicode
| Unicode UTF-16 | U+06AD |
| Unicode-Nôme | ARABIC LETTER NG |
| HTML | ڭ |
| ISO 8859-6 | nit vorhande |
