Geschichte der Musik

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Gschicht vo der Musik isch sehr alt. Zum Bischpiel spiilet die australische Uriiwohner, d Aboriginees, siit Urziite s "Didgeridoo", es Blosinschtrumänt us Holz. D Ziittafele do beginnt erscht im Mittelalter und fokussiert sich vor allem uffs Abendland.

  • D Troubadoure und Minnesänger vom Mittelalter händ nebscht em Singe vielfach auch scho Inschtrument gschpiilt. D Theme sind vor allem d Ritterlichkeit und d Liebi gsii. Au d Kirchemusik mit Orgel het s bereits geh.
  • 1685: In der Ziit vom Barock isch der Johann Sebastian Bach gebore, er het die mehrschtimmigi Komposition meischterlich beherrscht.
  • Der Wolfgang Amadeus Mozart isch 1756 gebore. Er het die klassischi Musik massgeblich prägt.
  • 1887 isch die erschti Schallplatte (hütigi Form: CD) uf e Markt choo, was em Musikschaffe Uuftrieb verliehe het.
  • Um 1900 isch in de USA der Ur-Jazz erfunde worde. Do druus sind schpäter zahlriichi neui Schtilrichtige entschtande.
  • 1923 isch die erschti Radio-Sendig uusgschtrahlt worde, ebefalls guet für d Musik-Verbreitig.
  • In de 1920er Jahr isch in de USA bii de Afro-Amerikaner der Ur-Blues entschtande
  • Uus em Blues het sich in de USA in de 1950er Jahr der Rock'n'Roll entwicklet
  • Anfangs von de 1960er Jahr sind die legendäre The Beatles berüehmt worde
  • 1970 isch der legendärscht und virtuosischst Rock-Gitarrischt, der Jimi Hendrix, an Droge gschtorbe.
  • In de 1980er Jahr isch der Ur-Rap entschtande