Freyja
D Freyja (»Herrin«) isch di nordgermanischi Fruchtbarkaits- und Liebesgöttin und nebet de Frigg di wichtigsti Göttin. Si ghört zum Göttergschlecht vo de Wane.
Mythologi [ändere]
D Freyja isch d Tochter vom Njörd und d Schwöster vom Freyr, mit dem sii verhüürootet gsii isch, solang si bi de Wane glebt hend. Wo si aber as Gaisle zu de Ase choo sind, hend si sich trennt, well de bi de Wane üblichi Bruuch vo de Gschwüstertiehi bi de Ase verbotte isch. D Freyja het e Maa ghaa, de Odr und zwoo Töchtere, d Gersimi und Hnoss. De Odr isch aber zunderainisch verschwunde und s werd verzellt, as si wege dem vill Trääne vergosse heb.
D Freyja liebt de Schmuck öber ales und s wertvollsti Stugg isch d Halschetti Brisingamen. Wone tuet si im Palast Folkvangr mitem Saal Sessrumnir. Ere Wage werd vo Chatze zoge. D Freyja het aber au e Falkegwand, mit dene si umeflüüge cha und bi Glegehait leent da em Loki uus, wenn de wider emol im Uuftrag vo de Götter underwegs isch.
D Freyja, wo di schönsti vo allne Göttine isch, werd immer wider vo Riise bigeert und d Götter chömet wege dem i Schwirigkaite, wo si aber maist mit de List vom Loki abwendet. Anderersits werd a de Freyja aber au vorgworfe, as si liecht z haa sai. As Liebesgöttin liebt sie Liebeslieder und s werd empfole, si i Liebessache azrüeffe.
Lueg au [ändere]
Büecher [ändere]
- Rudolf Simek: Lexikon der germanischen Mythologie. Stuttgart (3. Aufl.) 2006. ISBN 978-3520-36802-4.
