Njörd

Us der alemannische Wikipedia, der freie Dialäkt-Enzyklopedy
de Njörd inere mittelalterliche Handschirft

De Njörd (an. Njörðr) isch de nordgermanischi Meergott und ghört zum Geschlecht vo de Wane

Name[ändere | Quälltäxt bearbeite]

De Name an. Njörðr cha uf urgerm. *Nerþuz zruggfüert were, wa exakt mit de Form Nerthus öberiistimmt, wa de Name vo de früegermanische Erdmuetter isch. S underschidliche Gschlecht isch nöd ase problematisch, do u-Stämm männlich und wiiblich sii chönnt. S Wort bizaichnet vermuetli Schöpfigschraft.

Mythologii[ändere | Quälltäxt bearbeite]

De Njörd isch de Vatter vo de Freyja und vom Freyr, woner mit sinere aigne Schwöster züügt het, do jo bi de Wane d Gschwüstertiehi üblich isch. Er isch zäme mit sinene Chind as Gaisle zu de Ase choo und lebt am Meer im Palast Noatun. D Riisin Skadi het vo de Ase verlangt, as si ere e Maa gee müend, as Ersatz för de Mord a erem Vatter Thjazi. D Götter hend zuegstimmt, under de Bedingig, as si nume d Füess vo de Götter gsie tar, und ahand vo dene de Maa uuswääle söll. Wo si do e paar höbschi Füess gsie het, het si gmaint, si saiet die vom Balder, aber si sind die vom Njörd gsii. D Ehi vo baidne isch nöd guet usechoo, well si sich nöd hend chöne ainige öber de Wonort. Si het s Gschrai vo de Mööfe z Noatun am Meer und er s Ghüül vo de Wölf z Thrymheim i de Berge nöd möge liide.

Büecher[ändere | Quälltäxt bearbeite]