François Villon

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr François Villon (Daarstellig us em Grand Testament de Maistre François Villon, 1489)

Dr François Villon (* 1431 z Bariis; † noch 1463; er het vermuetlig richdig François de Montcorbier oder François des Loges ghäisse) gältet as dr bedütendsti Dichder vom franzöösische Spootmiddelalter.

In sine bäide parodistische Testamänt und in e Hufe Ballade het er d Erlääbniss us sim abentüürlige Lääbe as Scholar, Vagant und Kriminelle verarbäitet. D Zitgenosse häi sich vermuetlig vor allem für die satirische Stroofe uf zitgenössischi Bariiser Honoraziore intressiert, sit dr Romantik schetzt men en hingeege wäge sinere iidringlige Gstaltig vo Theme, wo immer aktuell si: Liebi, Hoffnig, Entdüschig, Hass und Dood, bsundrigs im erste Däil vom Groosse Testamänt.

Wärk[ändere | Quälltäxt bearbeite]

  • Ballade des contre-vérités (1456?) – Witzigi Rootschleeg für jungi Gauner.
  • Le Lais (1456) – S chliine Testamänt, e witzigi Kombinazioon us de Parodie uf e höfischi Liebeschlaag, eme literarische Testamänt und eme Draumgedicht.
  • Épître à Marie d'Orléans (1457) – Lob- und Dankgedicht
  • Ballade des contradictions (1457) – Biidraag vom Villon zum ene Dichderwettbewärb am Hoof vom Charles in Blois.
  • Épître à ses amis (1461) – e Ruef um Hilf us em Gfängnis vo Meung.
  • Débat du coeur et du corps de Villon (1461) – Reflexione us em Gfängnis vo Meung.
  • Ballade contre les ennemis de la France (1461) – woorschinlig an dr König Louis XI. grichdet.
  • Requête (1461) – e Bättelballade an dr Charles d'Orléans.
  • Ballade de bon conseil – e Ballade woorschinlig an e Guillaume de Villon und sini Kollege grichdet
  • Ballade de Fortune
  • Le Testament (1461/62) – S groosse Testamänt, im Villon si Hauptwärk
  • Ballades en jargon (1462) – elf Gedicht in dr Gaunersprooch, schwer z verstoo.
  • Ballade des pendus (1462) – Äins vo de schönste Gedicht us em franzöösische Middelalter.
  • Quatrain (1462)
  • Louange à la cour (1463)
  • Ballade au clerc du guichet (1463) vermuetlig si letschts überlieferets Wärk.

Französischi Gsamtusgoob : François Villon, Poésies complètes, éd. [...] par Claude Thiry (Paris: Livre de poche/ Lettres Gothiques, 1991)

Gedicht us em Groosse Testamänt[ändere | Quälltäxt bearbeite]

Litratuur[ändere | Quälltäxt bearbeite]

  • Gert Pinkernell: François Villon. Biographie critique et autres études sur Villon. Winter, Häidelbärg 2002.
  • Rudolf Sturm (Hrsg.): François Villon. Bibliographie und Materialien. 1489–1988. 2 Bänd (Band I: Bibliographie, Band II: Materialien zu Werk und Wirkung), Saur, Münche, London, New York, Bariis 1990, ISBN 3-598-10892-3
  • Peter Brockmeier: François Villon. Metzler, Stuttgart 1977, ISBN 3-476-10161-4

Weblingg[ändere | Quälltäxt bearbeite]

 Allmänd (Commons): François Villon – Album mit witere Multimediadateie