Diskussion:Pflanzennamen Fürstenland

I bii de Meinig es heissi nöd Försteland sondern Fürsteland.I cha mer nöd vorstelle das mer irgenwo im Fürsteland es ö brucht.S'tät mi intressiere wo mer Försteland seit. nit signierte Bytrag vum Benutzer:Fürsteländer, 15:56, 19. Mär. 2018‎

Solly @Fürsteländer:, de Artikel het de Benutzer:Al-qamar aaglait, wo halt für syn Dialäkt d Schryybig mit <ö> lieber het. Wänn du vo dörte bisch, chasch aber Artikel über die Gegend wie zum Byspil au Fürstenland gern umschryybe. --Terfili (Diskussion) 18:22, 22. Mär. 2018 (MEZ)

Isch vilicht s gliiche „Problem“ wi bi Sargaas. I ha zwor e Johr lang z Goosse gwohnt, cha aber nöd säge, wis es döt sägid. Im Rhintl unn isch klar, as da s Försteland isch. Vilicht o wäg de Nöchi zom Först, resp. Firscht. Gruess --Schofför (Diskussion) 19:05, 22. Mär. 2018 (MEZ)

S Försteland (Fürsteland, Füersteland) goot vo Wiil bis Roorschi und do gits natüürli Underschiid im Tielekt. Dezue chömed no d Änderige vo de Tielekt im Verlauff vode Zitt. Di Junge redet hütt e Tielekt wo vill nööcher em Hoochtütsche und em Zöritütschen isch als de Tielekt vo de Aalte. I ha bim letschte Familitreffe emole ganz guet zuegloset bi de Jonge, de hoochtütschi Iifluss uf de Tielekt isch bi dene gwaltig und uuffällig, da hett natüürli o en Iifluss uf d Schriibig. D Orthografii vo de junge wo jede Taag uf Schwitzertütsch simslet isch ganz en anderi as die vo de wenige Aalte wo im Tielekt schriibet. Die Ältere sind i de Relge traditioneller, di Junge inovatiiver.

D Pflanzenäme und Tiernäme hani vo de Arbet vom Huuschnecht öbernpoo und söttet dromm nöd gänderet were, ussert me chan en anderi Literaturquelle agee; denn wäärs aber gschiid beedi Foorme azgee. I bi nöd sicher, aber i globe de Name Försteland chont i dere Arbet nöd voor, aber de Huuschnecht schribt konsequent ö voremene Err und er sait o, ass da Luutgsetzt o i Piet gelti, wo ü i de regle nöd zomene ö gsenkt hebid. --al-Qamar (Diskussion) 19:49, 23. Mär. 2018 (MEZ)