Diskussion:Möhlin

I ha sälli Begriffsdefinition selber aglegt un hab mir doher au s'Rächt rusgnu, mi eigeni Orthographi minere zwischezittlich gänderte Schribig az'basse. Es het m.E. wänig Sinn, grad bi Begriffsdefinitione e starch lokal gfärbti Schribig z'verwende.

Zue dr Änderige: Zum eine han i noch Epsilons drin gha (fer dr Schwa, wo ich inzwische generell as 'e' wiidergib, wil i devu überzügt worre bi, dass e eigene Buechstab, noch dezue us eme andere Alphabet, fer dr Schwa kei gueti Idee isch). Wil ich Akzente un diakritischi Zeiche eher ablähn, bevorzug ich s' 'e' fer dr Schwa, es macht d'Texte liichter läsbar wie bispilswiis e 'a'. Generell bevorzug ich inzwische e in dr dütsche Standardorthographi echer aglähnti Schribung, also z.B. in dr Regel "ei" fer "ai", au wenn säller Doppelvokal au im Standarddütsche wie "ai" gsproche wird.

Jetz zuer Änderig vu dr Schribung fer Möhlin: Im Artikel yber "Möhlin (AG)" stoht sowohl "Möhli" wie au "Mehli" z'läse. Die letzter Form isch die au im südbadische Alemannisch gebrüchlich. Mir sage zum Schwarzwaldfluss "Mehli" un nit "Möhli". Was giltet jetz aber fer d'schwyzer Gmei?

--W-j-s 20:40, 15. Apr. 2007 (CEST)

Do wo entrunded isch seit mer Mehli, sunscht Möhli. Ob z'Möhli sälber entrundet isch isch mir nüt bekannt, warschynts isch d'Entrundig sowiiso inzwüsche uf Grund vo de Aapassige vo de Schwiizer Dialäkt ruggängig gmacht worre. --Chlämens 20:57, 15. Apr. 2007 (CEST)

Danke, entschuldig bitte mi Hochdytsch witter obe, aber es goht mer eweng liichter vu dr Hand, ich ha's jetz ybersetzt. ;-) Ich bi grad debi, nooch längere Abstinenz do, Kleinigkeite z'korrigiere. (Landkarte, Geokoordinate noochtrage, Rechtschribfähler etc.), Do fallt mir halt ab un zue ebbis uf, wo i hätt besser mache känne. --W-j-s 21:17, 15. Apr. 2007 (CEST)

@w-j-s: natürli kasch du dini eigne Artikel apasse. Ich has aber zrugg gsetzt, will du das als IP gmacht hesch und denn kanni jo nid wisse, wär das isch ;). Zue Möhli/Mehli/Meli: Meli dyrfti (no) korräkt sy, zmindescht wird a dr Fasnacht vo Meli gredet (Plaggedde, Fasnachts-Homepage). --Dr Umschattig red mit mir 21:45, 15. Apr. 2007 (CEST)