Ds Gsicht vom Mohammed

Us der alemannische Wikipedia, der freie Dialäkt-Enzyklopedy

Ds Gsicht vom Mohammed(of dänisch: „Muhammeds ansigt“) esche Serii vo zwöuf Karikaturen, wo dr islamischi Profet o Religionsschdifder Mohammed zum Tema hei. Si si am 30. Septämber 2005 ir dänische Tageszitig Jyllands-Posten u em 17. Oktober ir ägyptische Zitig Al Fager veröffentlecht worde. D' Exischdänz fomne Biuderverbot vom Gsicht vom Mohammed esch em Islam umschdritte u werd ungerschidlech schdräng uusglegt. Trotzdäm schdöut d'Abbiudig fom Mohammed us dr Secht fo fiune Moslems e Herabwördigong vo erem Profet dar.

Of dä Zeichnine hed me dr Mohammed unger angerem medemne Turban in Form vore Bombe mit brönnendr Schnuur gseh. Unger de zwöuf Karikature hets auerdengs o einigi wo dr Mohammed ned explizit dargschdöut esch. E Karikaturischd hed e Schüeler namens Mohammed zeichnet, wo vorer Schueudafele schdaat, of däre of Persisch schdaat: „Die Redaktion von Jyllands-Posten ist eine Bande reaktionärer Provokateure“ (of alemannisch: D'Redakzioon vo Jyllands-Posten esche Bandi vo reakzionäre Provokatöre).

Aus Antwort of di Karikature hets em Iran e antiweschdlächä o gäg Israeu grechdete Karikature-Wettbewärb gäh.[1]

Quälle[ändere | Quälltäxt bearbeite]

  1. Karikaturenüberä Holocaust aus Gägäaagreff, Telepolis 7. Februar 2006.

Lueg au[ändere | Quälltäxt bearbeite]

Links ufem Web[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Das_Gesicht_Mohammeds“ vu de dütsche Wikipedia. E Liste vu de Autore un Versione isch do z finde.