Bettina Meier-Augenstein
| Dialäkt: Undermarkgreflerisch |
D Bettina Meier-Augenstein (* 5. Novämber 1976 z Charlsrue) isch e dytschi Bolitikeri (CDU). Si isch vu Oktober 2014 bis 2016 Mitglid vum Landdag vu Bade-Wirttebärg gsii.
Uusbildig un Beruef[ändere | Quälltäxt bearbeite]
Noch em Abitur het d Bettina Meier-Augenstein Bankchauffrau/Finanzassischtänti bi dr BBBank eG Charlsrue glehrt. Näb eme Beruef het si e Stuedieabschluss as Bankfachwirti (IHK) gmacht. Derno et si in verschidene Funktione bi dr ZG Raiffeisen eG gschafft.
Bolitik[ändere | Quälltäxt bearbeite]
D Meier-Augenstein isch vu 1995 bis 2001 Chraisvorsitzeri vu dr Junge Union Charlsrue-Stadt gsii. Vu 2001 bis 2016 isch si Vorsitzeri vum CDU Ortsverband Rüppurr gsii, syter 2005 isch si Mitglid im Bezirksvorstand vu dr CDU Nordbade un syt 2010 au stellverdrättendi Chraisvorsitzeri vu dr CDU Charlsrue-Stadt. Anne 1999 isch si in Gmairoot vu dr Stadt Charlsrue gwehlt wore, wu si 2004 bis 2009 stellverdrättendi Fraktionsvorsitzeri gsii isch. D Bettina Meier-Augenstein isch di familiebolitisch Sprächeri vu dr CDU-Gmairootsfraktion.
Zue dr Landdagswahle 2006 un 2011 isch d Meier-Augenstein as Ersatzkandidati fir dr Manfred Groh im Wahlchrais 27 (Karlsruhe I) aadrätte. Wu dää uusgschide isch, isch si im Oktober 2014 in Landdag nooruckt. Syt Novämber 2014 isch si Mitglid im Stiftigsroot vum ZKM.
Bi dr Landdagswahl 2016 isch d Meier-Augenstein dr Griene-Kandidati Bettina Lisbach unterläge un isch dodermit nimi widergwehlt wore.
Am 9. Mai 2018 het si ihri Bewärbig as Oberburgermaischteri vu Stutensee yygee.[1] Bim erschte Wahlgang am 8. Juli 2018 het d Meier-Augenstein mit 38,7 Brozänt di meeschte Stimme iberchuu,[2] im zweete Wahlgang am 22. Juli 2018 het si 42,3 Brozänt iberchuu un isch dodermit ihre barteilose Gegekandidati Petra Becker unterläge.[3]
Familie un Privats[ändere | Quälltäxt bearbeite]
D Bettina Meier-Augenstein isch evangelisch-lutherisch. Si isch ghyrote un het zwoo Dechtere.
Fueßnote[ändere | Quälltäxt bearbeite]
- ↑ Nachricht auf meinstutensee.de, abgruefen am 17. Juni 2018
- ↑ Wahlbericht Kopf an Kopf Rennen in meinstutensee
- ↑ "CDU-Frau scheitert mit Neustart" In: Stuttgarter Zeitung vom 23. Juli 2018
|
Dä Artikel basiert uff ere fräie Übersetzig vu dere Version vum Artikel „Bettina_Meier-Augenstein“ vu de dütsche Wikipedia. E Liste vu de Autore un Versione isch do z finde. |